ബിഗ്ബോസിൽ വീക്കെന്റ് എപ്പിസോഡിൽ ഗബ്രിയും ജാസ്മിനും ഇതുവരെ ചെയ്ത പ്രവൃത്തികളെല്ലാം വീട്ടുകാർ ഇരുവരുടെയും മുഖത്ത് നോക്കി തന്നെ പറഞ്ഞു. അതിനുശേഷം രണ്ട് ദിവസം ഗബ്രിയും ജാസ്മിനും കടുത്ത മാനസീക സമ്മർ‌ദ്ദത്തിലായിരുന്നു. പിന്നീട് സൈക്കോളജിസ്റ്റുമായി സംസാരിച്ചശേഷമാണ് ഇരുവരും പഴയ മാനസീകാവസ്ഥയിലേക്ക് തിരികെ എത്തിയത്.ടാസ്ക്കിന്റെ ഭാഗമായുള്ള സ്കിറ്റിൽ പോലും ഏറ്റവും കൂടുതൽ പരിഹസിക്കപ്പെട്ടത് ജാസ്മിനും ഗബ്രിയുമാണ്. ഇപ്പോഴിതാ സിബിനും ജാസ്മിനും ഗബ്രിയും തമ്മിൽ വീട്ടിൽ ഒരു വലിയ വഴക്ക് നടന്നിരിക്കുകയാണ്. അഭിഷേക് ശ്രീകുമാർ അടക്കമുള്ളവർ ഗബ്രിയോടും ജാസ്മിനോടും രൂക്ഷമായി തർക്കിക്കുന്ന പുതിയതായി ബിഗ് ബോസ് ടീം പുറത്തുവിട്ട പ്രമോയിൽ ഉണ്ട്.ക്യാപ്റ്റൻ ജിന്റോ ഏൽപ്പിച്ച ജോലികൾ ചെയ്യാൻ പറ്റില്ലെന്ന് ജാസ്മിൻ പറഞ്ഞത് മുതലാണ് വഴക്ക് തുടങ്ങുന്നത്. ജോലി ചെയ്യില്ലെന്ന് ആവർത്തിച്ച് പറഞ്ഞുകൊണ്ടിരുന്ന ജാസ്മിന് ആദ്യം മറുപടി ന‌ൽകിയത് സിബിനാണ്. തിന്നിട്ട്… ടാസ്ക്കൊക്കെ ചെയ്ത് കുളിച്ചിട്ട് ഇവിടെ ഒരു പണിയും എടുക്കാതെ ജീവിച്ചോ… ഞങ്ങളുടെ ഔദാര്യമാണ് എന്നാണ് സിബിൻ ജാസ്മിനോട് പറഞ്ഞത്.
അതേ സമയം അത് ജാസ്മിനെ വല്ലാതെ വേദനിപ്പിച്ചു. ശേഷം അപ്സരയോട് ഇതുമായി ബന്ധപ്പെട്ട് ജാസ്മിൻ പരാതിപ്പെട്ടു. ആരും ഇത് കാണുന്നില്ലേ… നിങ്ങളൊക്കെ എന്ത് മനുഷ്യത്വമാണ് പറയുന്നത് എന്നാണ് ജാസ്മിൻ അപ്സരയോട് ചോദിച്ചത്. പിന്നാലെ ജാസ്മിന് വേണ്ടി വാദിക്കാൻ ഗബ്രി കളത്തിൽ ഇറങ്ങി. തുടർന്ന് കാണിച്ച് തരാൻ പറഞ്ഞ് സിബിനെ വെല്ലുവിളിക്കുകയും പ്രവോക്ക് ചെയ്യുകയും ചെയ്തു.ആ വാക്ക് തർക്കം സിബിനും ഗബ്രിയും തമ്മിലുള്ള വലിയ വഴക്കിലേക്ക് വഴിമാറി. നിന്നെ നോക്കി വെച്ചിട്ടുണ്ട് ഞാനെന്ന് സിബിൻ ഗബ്രിയോട് പറയുന്നതും പ്രമോയിൽ കാണാം. ഇനിയും ഒരു ഫിസിക്കൽ അസാൾ‌ട്ട് സംഭവിക്കാതിരിക്കാൻ മറ്റുള്ള മത്സരാർത്ഥികൾ ഇരുവരേയും പിടിച്ച് മാറ്റി. ഗബ്രിയോട് അഭിഷേക് ശ്രീകുമാറും ഈ വിഷയവുമായി ബന്ധപ്പെട്ട് കയർക്കുന്നതും പ്രമോയിൽ കാണാം.നാക്ക് മാത്രമെ നിനക്കുള്ളു… സ്വഭാവം ശരിയാക്കൂവെന്ന് ജാൻമണിയും ഗബ്രിയോട് രോഷകുലയായി പറഞ്ഞു. ഹൗസിലെ മറ്റുള്ള മത്സരാർത്ഥികൾ തങ്ങളെ കോർണർ ചെയ്യുന്നുവെന്ന രീതിയിലാണ് ജാസ്മിനും ഗബ്രിയും ഇപ്പോൾ ഗെയിം മുന്നോട്ട് കൊണ്ടുപോകുന്നത്. എന്നാൽ ജാസ്മിനും ഗബ്രിയും ഇപ്പോൾ അനുഭവിക്കുന്നത് മുമ്പ് ചെയ്ത പ്രവ‍ൃത്തിയുടെ ഫലമാണെന്നാണ് പ്രേക്ഷകർ പ്രമോ കണ്ട് കുറിക്കുന്നത്.
