മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളായിരുന്നു ചിത്ര. ചെറുതും വലുതുമായ നിരവധി കഥാപാത്രങ്ങളിലൂടെ ആയിരുന്നു ഈ താരം മലയാളികളുടെ മനസ്സ് കീഴടക്കുന്നത്. ദേവാസുരം എന്ന സിനിമയിലെ സുഭദ്ര എന്ന കഥാപാത്രത്തെ മലയാളികൾക്ക് ഒരുകാലത്തും മറക്കാൻ സാധിക്കില്ല. വിവാഹശേഷം ആയിരുന്നു താരം സിനിമയിൽ നിന്നും വിട്ടു നിൽക്കാൻ തുടങ്ങിയത്. എങ്കിലും വീട്ടുകാരുടെ നിർബന്ധം കാരണം ആയിരുന്നില്ല ഈ വിട്ടുനിൽക്കൽ. ഒരു പക്ഷേ ഭർത്താവിനെ വീട്ടുകാർക്ക് ഇഷ്ടപ്പെട്ടില്ല എന്ന് കരുതി ആയിരുന്നു ചിത്ര സ്വയം പിൻവാങ്ങിയത്. സിനിമയിലേക്ക് ഒരു മടങ്ങി വരവ് താരം ശരിക്കും ആഗ്രഹിച്ചിരുന്നു.
ശോഭയുമായി ചിത്ര വലിയ രീതിയിലുള്ള വഴക്കിൽ ആയിരുന്നു എന്ന തരത്തിൽ ഒരു കാലത്ത് വാർത്തകൾ പുറത്തു വന്നിരുന്നു. നിരവധി അഭിമുഖങ്ങളാണ് ഇതുമായി ബന്ധപ്പെട്ട് ഇൻഡസ്ട്രിയിൽ വന്നത്. കുറച്ചു മുൻപ് നൽകിയ ഒരു അഭിമുഖത്തിൽ ആയിരുന്നു ചിത്ര ഇതിനെക്കുറിച്ച് ആദ്യമായി സംസാരിച്ചത്. “എൻറെ അമ്മയുടെ മരണശേഷം അച്ഛൻ കൂടുതൽ കർക്കശക്കാരനായി. മൂന്നു പെൺകുട്ടികൾ ആയിരുന്നു ഞങ്ങൾ. ഒരുപക്ഷേ അതിനെയൊക്കെ ടെൻഷൻ അച്ഛനെ അലട്ടി കാണും” – ചിത്ര പറയുന്നു.
“ഞാൻ സിനിമയിൽ അഭിനയിക്കുന്നതിനോട് അച്ഛൻറെ വീട്ടുകാർക്കും അമ്മയുടെ വീട്ടുകാർക്കും വലിയ താല്പര്യം ഇല്ലായിരുന്നു. അതുകൊണ്ടുതന്നെ സിനിമാ കാര്യത്തിൽ അച്ഛൻ കുറച്ച് അധികം ശ്രദ്ധ കാണിച്ചു. ആ സമയത്ത് ഞാൻ അത്യാവശ്യം പോപ്പുലർ ആയിരുന്നു. അനാവശ്യ വിവാദങ്ങളിൽ ഒന്നും ചെയ്തു പെടാതിരിക്കാൻ അച്ഛൻ എന്നെ ഒരുപാട് നിയന്ത്രിച്ചു” – ചിത്ര പറയുന്നു.
ഒരിക്കൽ ഒരു സിനിമയുടെ ഷൂട്ടിംഗിനിടെ ശോഭന ചിത്രയെ ഒരാളെ വിട്ടു വിളിപ്പിച്ചു. തൻറെ മുറിയിലേക്കു വരുവാൻ ആയിരുന്നു ശോഭന ആവശ്യപ്പെട്ടത്. എന്നാൽ ചിത്രയുടെ അച്ഛൻ ഇതിന് സമ്മതിച്ചില്ല. അവൾ ആരാണ് നിന്നെ അങ്ങോട്ട് വിളിക്കാൻ? അവൾ വേണമെങ്കിൽ ഇങ്ങോട്ട് വരട്ടെ – ഇതായിരുന്നു ചിത്രയുടെ അച്ഛൻറെ നിലപാട്. ഇത് എങ്ങനെയോ ശോഭന അറിഞ്ഞു. അതിനുശേഷമായിരുന്നു ശോഭനയ്ക്ക് പരിഭവം തുടങ്ങിയത് എന്നും ചിത്ര പറയുന്നു. ഈ സംഭവം തന്നെയും ഒരുപാട് വേദനിപ്പിച്ചു എന്നും താൻ ഒരുപാട് കരഞ്ഞു എന്നും ചിത്ര അഭിമുഖത്തിൽ വെളിപ്പെടുത്തുന്നു.
