ഏഷ്യാനെറ്റില് സംപ്രേഷണം ചെയ്ത ഐഡിയ സ്റ്റാര് സിംഗര് എന്ന റിയാലിറ്റി ഷോയിലൂടെ ശ്രദ്ധിക്കപ്പെട്ട ഗായികയാണ് ശിഖ പ്രഭാകര്. ഇതിന് പിന്നാലെ നിരവധി അവസരം ശിഖയ്ക്ക് ലഭിച്ചു. ഇപ്പോഴിതാ താരത്തിന്റെ പുതിയൊരു ആല്ബം സോഷ്യല് മീഡിയയില് എത്തിയിരിക്കുകയാണ്. സ്വവര്ഗ്ഗ പ്രണയത്തിന്റെ വേറിട്ട വര്ണ്ണങ്ങള് ചാലിച്ച പുതിയ ആല്ബം അമോര് യൂട്യൂബിലാണ് റിലീസായത്.
ഫൈസല് റാസി സംഗീതം നല്കി നിര്മ്മിച്ച അമോറില് ആലപിച്ചിരിക്കുന്നത് ഗായിക ശിഖ പ്രഭാകറാണ്. പ്രണയവും വേര്പിരിയലും പ്രണയനൊമ്പരങ്ങളും നിറയുന്ന ഈ സംഗീത ആല്ബത്തിന് വരികള് രചിച്ചത് ധന്യ സുരേഷ് മേനോനാണ്. ശിഖ പ്രഭാകാറും നര്ത്തകി സായ് പ്രിയയുമാണ് ഇതില് അഭിനയിച്ചതും. ഛായാഗ്രഹണം റഹീം ഇബ്നു റഷീദും കൊറിയോഗ്രഫി വരദയും നിര്വഹിച്ചിരിക്കുന്നു.
അതേസമയം ശിഖയുടെതായി പുറത്തുവരുന്ന ഗാനങ്ങളെല്ലാം നിമിഷന്നേരം കൊണ്ടാണ് വൈറല് ആവാര്. ഐഡിയ സ്റ്റാര് സിംഗര് വേദിയിലൂടെയാണ് ഈ താരം ശ്രദ്ധിക്കപ്പെട്ടത്. 2019 ലായിരുന്നു ശിഖയുടെ വിവാഹം. ഗായകന് ഫൈസലിനെയാണ് താരം വിവാഹം കഴിച്ചത്. ഇതിന്റെ ചിത്രങ്ങളും സോഷ്യല് മീഡിയയില് വൈറലായിരുന്നു. തങ്ങളുടെ അഞ്ച് വര്ഷത്തെ പ്രണയത്തെക്കുറിച്ച് താരങ്ങള് തന്നെ മുമ്പ് വെളിപ്പെടുത്തിയിരുന്നു.
ഇപ്പോള് ഒരു മകളുണ്ട് ഇവര്ക്ക്. ഞങ്ങളുടെ കുഞ്ഞു രാജകുമാരിയെത്തി. അവളെ ഞങ്ങള് നിലാവ് എന്ന് വിളിക്കും. എന്ന് പറഞ്ഞുകൊണ്ടാണ് മകളുടെ വിശേഷങ്ങള് ഫൈസലും ശിഖയും പങ്കിട്ടത്. നേരത്തെ ഗര്ഭക്കാലത്തെ ഫോട്ടോഷൂട്ട് ചിത്രം പങ്കുവെച്ച് താരങ്ങള് എത്തിയിരുന്നു.
