കോഴിക്കോട്: കാലിക്കറ്റ് സര്വകലാശാലയില് എസ്എഫ്ഐ പ്രതിഷേധം തുടരുന്നതിനിടെ സെമിനാറില് പങ്കെടുത്ത് നേരെ കരിപ്പൂരിലെ വിമാനത്താവളത്തിലേക്ക് മടങ്ങി ഗവര്ണര് ആരിഫ് മുഹമ്മദ് ഖാന്.
സെമിനാറില് പങ്കെടുത്തശേഷം ഗസ്റ്റ് ഹൗസിലേക്ക് പോയശേഷം രാത്രി 7.05ഓടെ ഗവര്ണര് പോകുമെന്നായിരുന്നു നേരത്തെ തീരുമാനിച്ചിരുന്നത്.
എന്നാല്, പ്രതിഷേധം തുടരുന്നതിന് ഇടയില് അപ്രതീക്ഷിതമായി സെമിനാറില് പങ്കെടുത്തശേഷം ഗവര്ണര് നേരെ വിമാനത്താവളത്തിലേക്ക് പോവുകയായിരുന്നു.
എന്നാല് പിന്മാറാതെ, ദേശീയ പാത ഉപരോധിച്ചും എസ്എഫ്ഐ പ്രവര്ത്തകര് ഗവര്ണര്ക്കെതിരെ മുദ്രാവാക്യം വിളിച്ചു. ഡിവൈഎഫ്ഐയും ഗവര്ണര്ക്ക് എതിരെ പ്രതിഷേധം നടത്തി.
ആറെ കാലോടെ ഗവര്ണര് വിമാനത്താവളത്തിലെത്തി.ആറരക്കുള്ള ഇന്ഡിഗോ വിമാനത്തില് ബെംഗളൂരുവിലേക്കും അവിടെനിന്ന് തിരുവനന്തപുരത്തേക്കും പോകും.
അതേസമയം പ്രതിഷേധം ശക്തമായതോടെയാണ് ഗവര്ണര് മുന് നിശ്ചയിച്ചതില് വ്യത്യസ്തമായി ഗവര്ണര് നേരത്തെ മടങ്ങിയതെന്നാണ് സൂചന.
ഗവര്ണര്ക്കെതിരായ സമരം വരും ദിവസങ്ങളില് ശക്തമാക്കുമെന്നും സംസ്ഥാനത്തെ മറ്റു ക്യാമ്പസുകളിലേക്കും വ്യാപിപ്പിക്കുമെന്നും എസ്എഫ്ഐ സംസ്ഥാന സെക്രട്ടറി പിഎം ആര്ഷോ പറഞ്ഞു.
