മൗനരാഗം എന്ന സീരിയലില്‍ അഭിനയിച്ചതോടെയാണ് നടന്‍ കല്യാണ്‍ ഖന്ന ശ്രദ്ധിക്കപ്പെട്ടത്. അതേസമയം കുടുംബവിളക്കില്‍ സുമിത്രയുടെ മരുമകള്‍ ആയി എത്തിയതോടെയാണ് നടി രേഷ്മ നന്ദുവും വൈറലായത്. രണ്ടുപേരും അടുത്ത സുഹൃത്തുക്കള്‍ കൂടിയാണ്. ഇവര്‍ ഒന്നിച്ച് അഭിനയിക്കുകയും ചെയ്തിരുന്നു . എന്നാല്‍ ഇരുവരും വിവാഹിതരാകാന്‍ പോകുന്നു എന്ന തരത്തിലുള്ള വാര്‍ത്ത നേരത്തെ സോഷ്യല്‍മീഡിയയില്‍ എത്തിയിരുന്നു. ഇപ്പോള്‍ താരങ്ങള്‍ അതെ കുറിച്ചാണ് പ്രതികരിക്കുന്നത്.
ഞങ്ങള്‍ ഒരുമിച്ചുള്ള ഫോട്ടോഷൂട്ട് കണ്ടതോടെയാണ് അത്തരം വാര്‍ത്തകള്‍ വരാന്‍ തുടങ്ങിയത് . തനിക്ക് പ്ലസ് വണ്ണില്‍ പഠിക്കുന്ന കാലം മുതലേ കല്യാണിനെ അറിയാമെന്ന് രേഷ്മ പറയുന്നു. തങ്ങള്‍ അടുത്ത സുഹൃത്തുക്കള്‍ കൂടിയാണ്.
താന്‍ ഈ വാര്‍ത്ത കണ്ടപ്പോള്‍ ഷോക്കായി പോയെന്ന് കല്യാണ്‍ പറയുന്നത്. ആദ്യമായിട്ടാണ് തന്നെക്കുറിച്ച് ഇങ്ങനെ ഒരു ഗോസിപ്പ് വരുന്നത്. പിന്നീട് അതങ്ങ് ശീലം ആവുകയായിരുന്നു. മൗനരാഗത്തില്‍ എന്റെ ഭാര്യയായി അഭിനയിക്കുന്ന കുട്ടിയെയും എന്നെ ചേര്‍ത്ത് അത്തരം വാര്‍ത്ത കണ്ടു. ഇതൊന്നും ഇപ്പോള്‍ മൈന്‍ഡ് ചെയ്യാറില്ല.
അതേസമയം തനിക്ക് ആദ്യം സീരിയലില്‍ നിന്നും ഓഫര്‍ വന്നെങ്കിലും പഠനം തുടരാന്‍ വേണ്ടി നോ പറയുകയായിരുന്നു എന്ന് രേഷ്മ അഭിമുഖത്തില്‍ പറഞ്ഞു. പിന്നെ അമ്മയാണ് നീയിത് ചെയ്യണം എന്ന് പറഞ്ഞ് തള്ളി വിട്ടത്. നിന്റെ ഇഷ്ടമല്ലേ, അതില്‍ ചേര്‍ന്ന് കഴിയുമ്പോള്‍ അതിന്റെ രസം നിനക്ക് മനസിലാവും എന്നൊക്കെ പറഞ്ഞത് തന്റെ അമ്മയായിരുന്നു എന്നാണ് രേഷ്മ പറയുന്നത്.
