പെൺകുട്ടികൾക്ക് ഇത്ര അഹങ്കാരം പാടില്ല, സാക്ഷാൽ അമീർ ഖാന് പോലും സമയം ഉണ്ട്, പക്ഷേ സാമന്തയ്ക്ക് സമയമില്ല – ഭർത്താവ് നാഗചൈതന്യയോട് സാമന്തയുടെ ക്രൂരത കണ്ടോ? ഒരാളെ ഇങ്ങനെ അപമാനിക്കരുത് എന്ന് മലയാളികൾ

മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് സാമന്ത. ഇതുവരെ ഒരു മലയാള സിനിമയിൽ പോലും അഭിനയിച്ചിട്ടില്ല എങ്കിലും ഈ താരത്തോട് മലയാളികൾക്ക് ഒരു പ്രത്യേക ഇഷ്ടം തന്നെ ഉണ്ടായിരുന്നു. ഇതിനു കാരണം മലയാളികൾക്ക് പ്രിയപ്പെട്ട നിരവധി തമിഴ് തെലുങ്ക് സിനിമകളിൽ സാമന്ത ആയിരുന്നു നായിക എന്നതുകൊണ്ടാണ്. എന്നാൽ ആ ഇഷ്ടം എല്ലാം ഇപ്പോൾ മെല്ലെ പോയിക്കൊണ്ടിരിക്കുകയാണ്. സാമന്തയുടെ അഹങ്കാരം കാരണം ഇപ്പോൾ സാമന്തയും ഭർത്താവ് നാഗചൈതന്യയും വിവാഹമോചന വക്കിലാണ് എന്നാണ് റിപ്പോർട്ടുകൾ. എന്നാൽ ഈ വാർത്ത ഇപ്പോൾ ഇതുവരെ ഔദ്യോഗികമായി സ്ഥിരീകരിച്ചിട്ടില്ല. എങ്കിലും സാമന്തയുടെ പെരുമാറ്റം ആണ് ഇപ്പോൾ മലയാളികളെ പ്രകോപിപ്പിക്കുന്നത്.

തെലുങ്ക് ബിഗ് ബോസ് അവതരിപ്പിക്കുന്നത് നാഗചൈതന്യയുടെ പിതാവ് നാഗാർജുന ആണ്. സാമന്തയുമായി ബന്ധപ്പെട്ട ചോദ്യങ്ങൾ ഒഴിവാക്കാൻ ഇദ്ദേഹത്തിന് ബിഗ്ബോസുമായി ബന്ധപ്പെട്ട പ്രസ് മീറ്റ് ഒഴിവാക്കേണ്ടി വന്നു. അതേസമയം നാഗചൈതന്യയുടെ ലവ് സ്റ്റോറി എന്ന ചിത്രം കഴിഞ്ഞ ദിവസം ആണ് റിലീസ് ചെയ്തത്. ഇതുമായി ബന്ധപ്പെട്ട് പ്രസ് മീറ്റിൽ നിന്നും നാഗചൈതന്യയ്ക്ക് അവസാന നിമിഷം പിന്മാറേണ്ടി വന്നു. എല്ലാത്തിനും ഒരു കാരണം മാത്രമാണ് ഉള്ളത് – സാമന്ത എന്ന പെണ്ണിൻറെ അഹങ്കാരം!

അമീർഖാൻ അഭിനയിക്കുന്ന ഏറ്റവും പുതിയ ചിത്രമാണ് ലാൽ സിംഗ് ചധ. സാമന്തയുടെ ഭർത്താവ് നാഗചൈതന്യ ഇതിൽ ഒരു പ്രധാന വേഷത്തെ അവതരിപ്പിക്കുന്നുണ്ട്. കഴിഞ്ഞദിവസം അമീർഖാൻ ഹൈദരാബാദിൽ എത്തിയിരുന്നു. നാഗചൈതന്യയുടെ ഏറ്റവും പുതിയ ചിത്രമായ ലൗ സ്റ്റോറി പ്രമോഷൻ പരിപാടികളിൽ അമീർഖാൻ പോലും പങ്കെടുത്തു. സായി പല്ലവി ആണ് ഈ ചിത്രത്തിലെ കേന്ദ്രകഥാപാത്രത്തെ അവതരിപ്പിക്കുന്നത്. ഇവർക്ക് എല്ലാവർക്കും വേണ്ടി ആകെ ചൈതന്യ ഒരു പാർട്ടി തന്നെ വീട്ടിൽ ഒരുക്കിയിരുന്നു. പാർട്ടിയിൽ എല്ലാവരും പങ്കെടുത്തു. സാക്ഷാൽ അമീർഖാൻ വരെ പങ്കെടുത്തു. പക്ഷേ സാമന്തയ്ക്ക് മാത്രം സമയമില്ല.

പെൺകുട്ടികൾക്ക് ഇത്ര അഹങ്കാരം പാടില്ല എന്നാണ് മലയാളികൾ സാമന്തയെ ഓർമ്മപ്പെടുത്തുന്നത്. പെണ്ണാണെങ്കിൽ അടങ്ങി ഒതുങ്ങി ജീവിക്കണം എന്നാണ് മലയാളി അമ്മാവന്മാരും അമ്മായിമാരും സാമന്തയെ ഓർമിപ്പിക്കുന്നത്. സാമന്ത കാരണം പാവം നാഗചൈതന്യ അമീർഖാൻറെ മുൻപിൽ അപമാനിതനായ കാഴ്ചയാണ് നമ്മൾ കണ്ടത്. മലയാളികളെ ഒന്നടങ്കം കണ്ണീരിലാഴ്ത്തിയ ചിത്രമായിരുന്നു ഇത്. പെൺകുട്ടികളെ പഠിപ്പിക്കാൻ പാടില്ല എന്ന് പണ്ഡിതർ പറഞ്ഞപ്പോൾ പോസ്റ്റ് കൊളോണിയൽ നവയുഗ ലിബറൽ പുരോഗമനവാദികൾ എല്ലാം അതിനെ എതിർത്തു. പെൺകുട്ടികളെ അടുക്കളപണി പഠിപ്പിക്കുന്നതിന് പകരം സ്കൂളിലും കോളേജിലും വിട്ടാൽ ഇതായിരിക്കും അവസ്ഥ എന്നാണ് പണ്ഡിതർ വീണ്ടും ഓർമിപ്പിക്കുന്നത്. സാമന്തയുടെ ജീവിതം എല്ലാ മലയാളികൾക്കും ഒരു പാഠമാണ്. ഇനിയും പെൺകുട്ടികളെ ജോലിക്ക് വിടണോ എന്നകാര്യം മലയാളികൾ വീണ്ടും ചർച്ച ചെയ്യേണ്ടി ഇരിക്കുന്നു.