പ്രശസ്ത അമേരിക്കന്‍ റാപ്പര്‍ കൂലിയോ അന്തരിച്ചു. 59 വയസായിരുന്നു. ബുധനാഴ്ചയാണ് അന്ത്യം സംഭവിച്ചത്. കൂലിയോയുടെ സുഹൃത്തും മാനേജരുമായ ജാരെസ് പോസി വാര്‍ത്ത സ്ഥീരികരിച്ചെങ്കിലും മരണകാരണത്തെക്കുറിച്ച് കൂടുതല്‍ വിവരങ്ങള്‍ പുറത്തുവിട്ടിട്ടില്ല.
ബുധനാഴ്ചക്ക് ശേഷം ഒരു സുഹൃത്തിന്റെ വീട്ടിലെ കുളിമുറിയില്‍ കൂലിയോയെ അബോധാവസ്ഥയില്‍ കണ്ടെത്തുകയായിരുന്നുവെന്ന് പോസി സെലിബ്രിറ്റി ന്യൂസ് വെബ്സൈറ്റ് ടി.എം.ഇസിനോട് പറഞ്ഞു.
1995ല്‍ ഹിറ്റ് ചാര്‍ട്ടിലെ ടോപ് ലിസ്റ്റില്‍ ഇടംപിടിച്ച ഗ്യാങ്സ്റ്റാസ് പാരഡൈസ് എന്ന പാട്ട് കൂലിയോയുടെതാണ്. ഈ ഗാനത്തിന് ആ വര്‍ഷം ഗ്രാമി അവാര്‍ഡും കൂലിയോ സ്വന്തമാക്കി. ആര്‍ട്ടിസ് ലിയോണ്‍ ഐവി ജൂനിയര്‍ എന്നാണ് കൂലിയോയുടെ യഥാര്‍ഥ പേര്. 1995 കളിലാണ് അദ്ദേഹം ലോകശ്രദ്ധ പിടിച്ചുപറ്റിത്തുടങ്ങിയത്.
