മലയാളികളുടെ പ്രിയപ്പെട്ട നടിയാണ് മിയ. ചുരുങ്ങിയ സമയം കൊണ്ട് മലയാളത്തിലും തമിഴകത്തും ശ്രദ്ധിക്കപ്പെടുന്ന നിരവധി വേഷങ്ങളില്‍ മിയ എത്തിയിരുന്നു. വേറിട്ട അഭിനയം, അഭിനയ മികവ്, ഏത് കഥാപാത്രവും ഇണങ്ങും ഇതെല്ലാം താരത്തിന്റെ എടുത്ത് പറയേണ്ട പ്രത്യേകതകളാണ്. 
ഈ അടുത്താണ് താരം ഒരു ആണ് കുഞ്ഞിന് ജന്മം നല്‍കിയത്. കുഞ്ഞിന്റെ ചിത്രവും ഇവര്‍ ആരാധകര്‍ക്കായി പങ്കുവെച്ചിരുന്നു. ലൂക്ക ജോസഫ് ഫിലിപ്പ് എന്നാണ് മകന് പേരു നല്‍കിയിരിക്കുന്നതെന്നും മിയ അറിയിച്ചിരുന്നു.
ഇപ്പോള്‍ മിയയുടെ ചില ഫോട്ടോകളാണ് സോഷ്യല്‍ മീഡിയയില്‍ തരംഗമാവുന്നത്. അമ്മയായ ശേഷം ഇത് ആദ്യമായാണ് ഫോട്ടോഷൂട്ട് ചിത്രത്തില്‍ നടി എത്തുന്നത്. അമ്മമാര്‍ക്കുള്ള പ്രത്യേക വസ്ത്രങ്ങള്‍ എന്ന അടിക്കുറിപ്പോടെയാണ് ചിത്രങ്ങള്‍ പോസ്റ്റ് ചെയ്തിരിക്കുന്നത്. ‘ഫാഷന്‍ വസ്ത്രങ്ങള്‍ എന്ന് ഒറ്റനോട്ടത്തില്‍ തോന്നുമെങ്കിലും ഇതെല്ലാം കൈക്കുഞ്ഞുങ്ങളുള്ള അമ്മമാര്‍ക്ക് സൗകര്യപ്രദമായ നിലയില്‍ ധരിക്കാനുള്ളവയാണ്. എന്നാല്‍ ഫാഷന്റെ കാര്യത്തില്‍ ഒട്ടും പിന്നിലല്ല താനും.’മിയ പറയുന്നു.
സിനിമയില്‍ അഭിനയിച്ച് കൊണ്ടിരിക്കുന്നതിനിടെയാണ് താരത്തിന്റെ വിവാഹം. അശ്വിന്‍ ആണ് മിയയുടെ ഭര്‍ത്താവ്. കൊട്ടിയോഘോഷത്തേടെ നടത്തേണ്ട വിവാഹം വളരെ ലളിതമായാണ് നടത്തിയത്. ലോക്ക്ഡൌണിനിടെയായിരുന്നു താരം വിവാഹിതയായത്. അതിനാല്‍ തന്നെ താരങ്ങളൊന്നും പങ്കെടുക്കാത്ത താരവിവാഹമായിരുന്നു ഇത്. നടിയുടെ വിവാഹ ചടങ്ങിന്റെ ചിത്രങ്ങളെല്ലാം ശ്രദ്ധിക്കപ്പെട്ടിരുന്നു.
