ഒരു കാലത്ത് മലയാളത്തില്‍ നായിക വേഷം ചെയ്ത് പ്രേക്ഷക മനസില്‍ കയറി കൂടിയ നടിയാണ് ശാലിനി. ബാലതാരമായി അഭിനയിച്ച് പ്രശസ്തി നേടിയ ശാലിനി പിന്നീട് അനിയത്തിപ്രാവ് എന്ന കുഞ്ചാക്കോ ബോബന്‍ നായകനായ ചിത്രത്തിലടെയാണ് നായികയായി എത്തിയത്. വളരെ ജനപ്രീതി നേടിയ ഒരു ചിത്രമായിരുന്നു ഇത്. ഇന്നും അനിയത്തിപ്രാവിന് ആരാധകര്‍ ഏറെയാണ്.
ശാലിനിയെ പോലെ സിനിമാരംഗത്ത് മറക്കാന്‍ കഴിയാത്ത നടിയാണ് താരത്തിന്റെ അനിയത്തി ശ്യാമിലിയേയും. മാമാട്ടിക്കുട്ടിയമ്മയായും മാളൂട്ടിയായുമൊക്കെയായി പ്രേകരിലേക്ക് എത്തിയ താരങ്ങള്‍ക്ക് ഇന്നും ആരാധകര്‍ ഏറെയാണ്. ഇവരെ പോലെ മലയാളികളുടെ ഹൃദയം കവര്‍ന്ന ബാലതാരങ്ങള്‍ മലയാളസിനിമയില്‍ വേറെ ഉണ്ടായിട്ടുണ്ടോയെന്നും സംശയമാണ്. ഈ സഹോദരിമാരുടെ വിശേഷങ്ങള്‍ അറിയാന്‍ ഇന്നും മലയാളികള്‍ക്ക് ആകാംഷ ഏറെയാണ്.
ഇപ്പോള്‍ രണ്ട് പേരും ഒന്നിച്ചുള്ള ചിത്രമാണ് വൈറലാവുന്നത്. കറുപ്പ് നിറത്തിലുള്ള ഗൗണ്‍ അണിഞ്ഞുള്ള ചിത്രം ഇതിനകം തന്നെ വൈറലായി കഴിഞ്ഞു. എല്ലാ രാത്രികളും ലേഡീസ് നൈറ്റ് ആണെന്നാണ് ശ്യാമിലി ചിത്രത്തിനൊപ്പം കുറിച്ചിട്ടുള്ളത്. പ്രിയതാരങ്ങളെ വീണ്ടും കാണാനായതിന്റെ സന്തോഷത്തിലായിരുന്നു ആരാധകര്‍.
മലയാളികളുടെ പ്രിയപ്പെട്ട നടിയാണ് ശാലിനി. താരം ഇന്ന് സിനിമയില്‍ ഇല്ലെങ്കിലും സോഷ്യല്‍ മീഡിയയില്‍ സജീവമാണ്. അന്നും ഇന്നും ശാലിനിക്ക് മലയാളമനസില്‍ ഒരേ സ്ഥാനമാണ് ആരാധകര്‍ കൊടുക്കുന്നത്. ഒത്തിരി നല്ല ചിത്രങ്ങള്‍ പ്രേക്ഷകര്‍ക്കായി സമ്മാനിച്ച ശാലിനി നീണ്ട വര്‍ഷത്തെ ഇടവേളയ്ക്ക് ശേഷം സിനിമയിലേക്ക് തിരിച്ചു വരുന്നു എന്ന വാര്‍ത്ത സോഷ്യല്‍ മീഡിയയില്‍ എത്തിയിരുന്നു. എന്നാല്‍ ഇതില്‍ സത്യമില്ലെന്ന് നടി തന്നെ പിന്നീട് വ്യക്തമാക്കിയിരുന്നു.
