‘ഓം ശാന്തി ഓശാന’ എന്ന ഹിറ്റ് ചിത്രത്തിന് ശേഷം നിവിന്‍ പോളിയും സംവിധായകന്‍ ജൂഡ് ആന്റണി ജോസഫും വീണ്ടും ഒന്നിക്കുന്നുവെന്ന റിപ്പോര്‍ട്ടുകള്‍ എത്തിയിരുന്നു. പിന്നാലെ ഇക്കാര്യം സ്ഥിരീകരിച്ച് നിവിന്‍ പോളിയും എത്തിയിരുന്നു.
ഹിറ്റ് ചിത്രത്തിന്റെ കൂട്ട്‌കെട്ട് വീണ്ടും ഒന്നിക്കുന്നുവെന്ന വാര്‍ത്ത മലയാള സിനിമ പ്രേമികളെ ആവേശത്തിലാക്കിയിരുന്നു. ഇപ്പോഴിത സിനിമക്കായി കാത്തിരിക്കുന്ന ആരാധകര്‍ക്ക് ഇരട്ടി സന്തോഷം നല്‍കുന്ന വാര്‍ത്തയാണ് എത്തുന്നത്.
ഇപ്പോഴിതാ ഈ സിനിമയില്‍ തെന്നിന്ത്യന്‍ താരം രശ്മിക മന്ദാന ഉണ്ടായേക്കുമെന്ന റിപ്പോര്‍ട്ടുകളാണ് പുറത്തുവരുന്നത്. ഇന്ത്യ ടുഡേയ്ക്ക് നല്‍കിയ അഭിമുഖത്തില്‍ ജൂഡ് ആണ് ഇക്കാര്യം പറഞ്ഞിരിക്കുന്നത്.
നിവിനോട് സിനിമയെപ്പറ്റി സംസാരിക്കുന്നുണ്ട്. വിജയ് സേതുപതിയെയും രശ്മികയെയും ഈ സിനിമയുടെ ഭാഗമാക്കാന്‍ താല്പര്യമുണ്ട്. എനിക്ക് രശ്മികയെ ഇഷ്ടമാണ്, അവരുടെ അഭിനയവും. നിലവില്‍ ചര്‍ച്ചയിലുള്ള വിഷയമാണിത്’, എന്നാണ് ജൂഡ് പറഞ്ഞത്.
നാഷ്ണല്‍ ക്രഷും വിജയ് സേതുപതിയും നിവിന്‍ ചിത്രത്തില്‍ ഉണ്ടാകുമെന്ന വാര്‍ത്ത സിനിമ പ്രേമികള്‍ ആഘോഷമാക്കി കഴിഞ്ഞു.അതേസമയം, 100 കോടി ക്ലബ്ബും പിന്നിട്ട് ജൂഡ് ആന്റണിയുടെ 2018 സിനിമ പ്രദര്‍ശനം തുടരുകയാണ്.
ടൊവിനോ തോമസ്, കുഞ്ചാക്കോ ബോബന്‍, ആസിഫ് അലി, വിനീത് ശ്രീനിവാസന്‍, ഇന്ദ്രന്‍സ്, ലാല്‍, നരേന്‍, അപര്‍ണ്ണ ബാലമുരളി, തന്‍വി റാം, സുധീഷ്, സിദ്ദിഖ്, രഞ്ജി പണിക്കര്‍, ജാഫര്‍ ഇടുക്കി, അജു വര്‍ഗ്ഗീസ്, ജിബിന്‍ ഗോപിനാഥ്, ഡോ. റോണി, ശിവദ, വിനീത കോശി തുടങ്ങി വന്‍ താരനിര ചിത്രത്തില്‍ ഉണ്ടായിരുന്നു.
