സൗത്ത് ഇന്ത്യ മുഴുവൻ വലിയ ആരാധകരുള്ള താരമാണ് നാനി. നാനി നായകനായി റിലീസിന് എത്തിയിരിക്കുന്ന പുതിയ ചിത്രമാണ് ദസറ.
മാസ് ആക്ഷൻ എന്റർടൈണറായി ഒരുങ്ങിയിരിക്കുന്ന ചിത്രം ഇന്നലെയാണ് തീയേറ്ററിലെത്തിയത്. ആദ്യദിനം തന്നെ മികച്ച പ്രതികരണമാണ് ചിത്രം തിയേറ്ററിൽ നിന്ന് നേടിക്കൊണ്ടിരിക്കുന്നത്.
ഇപ്പോൾ ഇതാ ചിത്രത്തിന്റെ ആദ്യ ദിന കളക്ഷൻ പുറത്തു വന്നിരിക്കുകയാണ്. ഇന്നലെ റിലീസ് ചെയ്ത ചിത്രം ഒറ്റ ദിവസം കൊണ്ട് ആഗോള തലത്തിൽ നേടിയത് 38 കോടിക്കുമേൽ കളക്ഷനാണ്. ചിത്രം ഇതിനോടകം തന്നെ ബ്ലോക്ക്ബസ്റ്റർ ചാർട്ടിലേക്ക് ഇടംപിടിക്കാൻ തയ്യാറെടുത്തു കഴിഞ്ഞു.
ഇന്ത്യയിൽ ഈ വർഷത്തെ ഏറ്റവും വലിയ ഓപ്പണിംഗ് കളക്ഷൻ നേടുന്ന തെന്നിന്ത്യൻ ചിത്രമായി മാറുകയാണ് ദസറ. ഈ ആഴ്ച കൊണ്ട് തന്നെ ചിത്രം 100കോടി ക്ലബ്ബിൽ ഇടം പിടിക്കും എന്നാണ് ആരാധകർ പറയുന്നത്.
നാനിയുടെ കരിയറിലെ ഏറ്റവും മികച്ച പ്രകടനമാണ് സിനിമയിലേത് എന്നാണ് പ്രേക്ഷകർ അഭിപ്രായപ്പെടുന്നത്. ചിത്രത്തിൽ നായികയായി എത്തുന്നത് കീർത്തി സുരേഷ് ആണ്.
ശ്രീകാന്ത് ഒഡെലയാണ് ചിത്രം സംവിധാനം ചെയ്തത്. ചിത്രത്തിൽ ഷൈൻ ടോം ചാക്കോയാണ് വില്ലൻ വേഷമാണ് കൈകാര്യം ചെയ്തിരിക്കുന്നത്.
കൽക്കരി ഖനികളിൽ ജോലി ചെയ്യുന്ന ആളുകളുടെ പശ്ചാത്തലത്തിലാണ് സിനിമ കഥ പറയുന്നത്. സായ് കുമാറും മറ്റൊരു വില്ലനാണ്. ധീക്ഷിത് ഷെട്ടി, സമുദ്രക്കനി, സറീന വഹാബ് എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.