പ്രേക്ഷക പ്രീതി നേടി മുന്നേറികൊണ്ടിരിക്കുകയാണ് മൗനരാഗം. അന്യഭാഷാ നടീനടന്മാര്‍ അണിനിരക്കുന്ന പരമ്പരയില്‍ നിരവധി സീനിയര്‍ താരങ്ങളും അഭിനയിക്കാന്‍ എത്തുന്നുണ്ട്. ഈ പരമ്പരയിലൂടെ വന്ന് പ്രേക്ഷക മനസില്‍ ഇടം പിടിച്ച താരമാണ് ഐശ്വര്യ റംസായ്. സീരിയലിലെ താരത്തിന്റെ കല്യാണി എന്ന കഥാപാത്രം ശ്രദ്ധിക്കപ്പെട്ടിരുന്നു. മീണ്ടാപ്രാണിയായാണ് ഐശ്വര്യ മൗനരാഗത്തില്‍ എത്തുന്നത്.
ആദ്യ മലയാള സീരിയലിലൂടെ തന്നെ മലയാളികളുടെ പ്രിയപ്പെട്ട നടിയായി മാറാന്‍ ഐശ്വര്യക്ക് കഴിഞ്ഞിട്ടുണ്ട്. സീരിയലിന് പുറത്തെ താരത്തിന്റെ വിശേഷം അറിയാനും ആരാധകര്‍ക്ക് ഇഷ്ടമാണ്. സോഷ്യല്‍ മീഡിയയില്‍ സജീവമായ താരത്തിന്റെ ചിത്രങ്ങളെല്ലാം അധിവേഗം ശ്രദ്ധിക്കപ്പെടാറുണ്ട്.
ഇപ്പോള്‍ താരം പങ്കുവെച്ച ചിത്രവും അതിന് നല്‍കിയ ക്യാപ്ഷനുമാണ് വൈറലാവുന്നത്. പ്രായം കൊണ്ടല്ല പക്വത; ഉത്തരവാദിത്വങ്ങള്‍ സ്വീകരിക്കുമ്പോഴാണ് അതിനു പൂര്‍ണ്ണത ഉണ്ടാകുന്നത്’, എന്ന ക്യാപ്ഷ്യനോടെയാണ് ഐശ്വര്യ ചിത്രം പങ്ക് വച്ചത്. മണാലി ട്രിപ്പിനിടയില്‍ പകര്‍ത്തിയ ചിത്രമാണ് ഐശ്വര്യ പങ്ക് വച്ചത്. ചിത്രവും ക്യാപ്ഷനും ആരാധകര്‍ ഏറ്റെടുത്തിരിക്കുകയാണ്.
സീരിയലില്‍ ആദ്യം നാടന്‍ വേഷത്തിലാണ് കല്യാണി എത്തിയത്. പിന്നീട് സ്വഭാവത്തിലും രൂപത്തിലെല്ലാം മാറ്റം വരുകയായിരുന്നു. കല്യാണിയുടെ മോഡേണ്‍ വസ്ത്രധാരണയും പ്രേക്ഷകര്‍ക്ക് ഇഷ്ടമായിരിക്കുകയാണ്. താരത്തിന് ശരിക്കും ഈ വേഷമാണ് ചേരുന്നതെന്നും പലരും അഭിപ്രായപ്പെടുകയുണ്ടായി.
അതേസമയം ട്വിസ്റ്റുകള്‍ നിറച്ച എപ്പിസോഡുകള്‍ ആണ് മൗനരാഗത്തില്‍ അരങ്ങേറുന്നത്. ഓരോ ദിവസവും കല്യാണി മാറികൊണ്ടിരിക്കുന്നത് പ്രേക്ഷകര്‍ കണ്ടതാണ്. നടിയുടെ ഈ കഥാപാത്രമാറ്റം ആരാധകര്‍ക്കും ഇഷ്ടമായിരിക്കുകയാണ്.
