തന്റെ 58 -ാം വയസില്‍ പത്താം ക്ലാസ് പരീക്ഷ പാസ്സായി ഒഡീഷ എംഎല്‍എ അംഗദ് കന്‍ഹാര്‍. എഴുപത്തിരണ്ട് ശതമാനം മാര്‍ക്കോടെയാണ് അദ്ദേഹം പരീക്ഷ പാസായത്. ജൂലൈ 6 -നാണ് ഒഡീഷ ബോര്‍ഡ് പരീക്ഷാഫലം പുറത്ത് വന്നത്. 500 -ല്‍ 364 മാര്‍ക്കാണ് അദ്ദേഹം സ്വന്തമാക്കിയത്.
ഓണ്‍ലാന്‍ ആയിട്ടായിരുന്നില്ല കന്‍ഹാര്‍ പരീക്ഷ എഴുതിയത്. മറ്റ് വിദ്യാര്‍ത്ഥികളെ പോലെ സ്‌കൂളില്‍ പോയാണ് അദ്ദേഹം പരീക്ഷ എഴുതിയത്. ഫലം വന്നതും എംഎല്‍എ ആഹ്ലാദഭരിതനായി. തുടര്‍ന്ന്, ക്ഷേത്രത്തിലെത്തി ദര്‍ശനം നടത്തി.
കാണ്ഡമാല്‍ ജില്ലയിലെ ഫുല്‍ബാനി നിയമസഭാ മണ്ഡലത്തിലെ എംഎല്‍എയാണ് കന്‍ഹാര്‍. 2019 -ലെ നിയമസഭാ തെരഞ്ഞെടുപ്പില്‍ ബിജെഡി സ്ഥാനാര്‍ത്ഥിയായിട്ടാണ് അദ്ദേഹം മത്സരിച്ചത്. തുടര്‍ന്ന്, അദ്ദേഹം ഫുല്‍ബാനി എംഎല്‍എയായി തെരഞ്ഞെടുക്കപ്പെട്ടു. അതിനുമുമ്പ്, ജില്ലയിലെ ഫിരിംഗിയ ബ്ലോക്കിലെ ജില്ലാ പരിഷത്ത് അംഗമായിരുന്നു അദ്ദേഹം.
കുട്ടിയായിരുന്നപ്പോള്‍ അദ്ദേഹത്തിന് പഠിക്കാന്‍ ഭാഗ്യം ലഭിച്ചിരുന്നില്ല. കുടുംബപ്രശ്നങ്ങളെ തുടര്‍ന്ന്, 1978 -ല്‍ അദ്ദേഹത്തിന് പഠനം ഉപേക്ഷിക്കേണ്ടി വന്നു. അന്ന് മെട്രിക്കുലേഷന്‍ പരീക്ഷ എഴുതാന്‍ കഴിഞ്ഞില്ലെങ്കിലും, നാല് പതിറ്റാണ്ടുകള്‍ക്കിപ്പുറം ഇന്ന് അദ്ദേഹത്തിന് അത് എഴുതിയെടുക്കാന്‍ സാധിച്ചു. 2019 -ല്‍ നിയമസഭാംഗമായതിന് ശേഷമാണ് പഠിക്കണമെന്ന മോഹം അദ്ദേഹത്തിന് വീണ്ടും തോന്നിയത്. ആ വര്‍ഷം അദ്ദേഹം എട്ടാം ക്ലാസ് പരീക്ഷ പാസ്സായി. തുടര്‍ന്ന് ഈ വര്‍ഷം പഞ്ചായത്ത് മെമ്പര്‍മാരും, ഡ്രൈവറും അദ്ദേഹത്തെ പ്രോത്സാഹിപ്പിച്ചതോടെ പത്താം ക്ലാസ്സ് പരീക്ഷ എഴുതി നോക്കാന്‍ അദ്ദേഹം തീരുമാനിക്കുക
