മമ്മൂട്ടി-ബി ഉണ്ണികൃഷ്ണന് കൂട്ടുകെട്ടില് എത്തുന്ന പുതിയ ചിത്രമാണ് ക്രിസ്റ്റഫര്. ആറാട്ട് എന്ന മോഹന്ലാല് ചിത്രത്തിന് ശേഷം ബി ഉണ്ണി കൃഷ്ണന് സംവിധാനം ചെയ്യുന്ന ചിത്രമെന്ന നിലയില് സിനിമക്കായി കാത്തിരിക്കുകയാണ് പ്രേക്ഷകര്.
ചിത്രം ഫെബ്രുവരി 9ന് തിയറ്ററുകളില് എത്തുകയാണ്. ഇതിനിടയില് ഇപ്പോഴിത ചിത്രത്തിനെ കുറിച്ച് മമ്മൂട്ടി പറഞ്ഞ വാക്കുകളാണ് ശ്രദ്ധ നേടുന്നത്. ക്രിസ്റ്റഫര് എല്ലാവര്ക്കും വേണ്ടിയുള്ള സിനിമയാണ്. ആരാധകര്ക്കും അല്ലാത്തവര്ക്കുമൊക്കെയുള്ളതാണ് ക്രിസ്റ്റഫര് എന്നാണ് മമ്മൂട്ടി പറയുന്നത്.
‘ക്രിസ്റ്റഫര്’ സിനിമയുമായി ബന്ധപ്പെട്ട് ദുബൈയില് നടന്ന ‘മീറ്റ് ദ പ്രസ്’ പരിപാടിയിലായിരുന്നു മമ്മൂട്ടിയുടെ പ്രതികരണം. ‘സിനിമ കാണുന്നവര് എല്ലാവരും സിനിമയുടെ ഫാന്സാണ്. ചിലര്ക്ക് പ്രത്യേക ഇഷ്ടമുണ്ടാകും.
എല്ലാ സിനിമകളും കാണുന്നവരുമുണ്ട്. എല്ലാ സിനിമകളും കാണാത്തവരുമുണ്ട്. ക്രിസ്റ്റഫര് എല്ലാവര്ക്കും വേണ്ടിയുള്ള സിനിമയാണ്. ആരാധകര്ക്കും അല്ലാത്തവര്ക്കുമൊക്കെയുള്ളതാണ് ക്രിസ്റ്റഫര്. അല്ലാതെ സിനിമ നിലനില്ക്കില്ല’, എന്നായിരുന്നു മമ്മൂട്ടിയുടെ വാക്കുകള്.
ബി ഉണ്ണികൃഷ്ണന് സംവിധാനം ചെയ്ത ക്രിസ്റ്റഫര് തിരക്കഥ ഒരുക്കിയിരിക്കുന്നത് ഉദയകൃഷ്ണയാണ്. കോളിളക്കം സൃഷ്ടിച്ച ഒരു കേസ് അന്വേഷിക്കാന് എത്തുന്ന ഇന്വെസ്റ്റിഗേഷന് ഓഫീസറായാണ് സിനിമയില് മമ്മൂട്ടി എത്തുന്നത്.
അമല പോള്, സ്നേഹ, ഐശ്വര്യ ലക്ഷ്മി എന്നിവരാണ് ചിത്രത്തിലെ നായികമാര്. ദിലീഷ് പോത്തന്, സിദ്ദിഖ്, ജിനു എബ്രഹാം, വിനീതകോശി, വാസന്തി തുടങ്ങിയവരോടൊപ്പം മുപ്പത്തിയഞ്ചോളം പുതുമുഖങ്ങളും ചിത്രത്തില് വേഷമിടുന്നു.
തെന്നിന്ത്യന് താരം വിനയ് റായിയും ചിത്രത്തില് ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഫൈസ് സിദ്ദിഖ് ആണ് ചിത്രത്തിന്റെ ഛായാഗ്രഹണം നിര്വ്വഹിക്കുന്നത്. എഡിറ്റിംഗ് മനോജ്, സംഗീതം ജസ്റ്റിന് വര്ഗീസ്,