കൊവിഡ് പശ്ചാത്തലത്തില് ഏര്പ്പെടുത്തിയ നിയന്ത്രണം പിന്വലിച്ച് ജപ്പാന്. രണ്ട് വര്ഷത്തിന് ശേഷമാണ് ജപ്പാന് നിയന്ത്രണം പിന്വലിച്ചത്. വാക്സിനേഷന് എടുത്ത സഞ്ചാരികള്ക്ക് ഇനി മുതല് ജപ്പാന് സന്ദര്ശിക്കാം. വിനോദസഞ്ചാരികള്ക്ക് വിസയില്ലാതെ രാജ്യം സന്ദര്ശിക്കാന് കഴിയും.
ദിവസേനയുള്ള സന്ദര്ശകരുടെ പരിധി എടുത്തുകളയാനും തീരുമാനിച്ചിട്ടുണ്ട്. ട്രിപ്പിള് വാക്സിനേഷനും കൊവിഡ് നെഗറ്റീവ് സര്ട്ടിഫിക്കറ്റും ഉണ്ടെങ്കില് സഞ്ചാരികള്ക്ക് രാജ്യത്ത് പ്രവേശിക്കാന് സാധിക്കുന്നതാണ്. ജാപ്പനീസ് കറന്സി യെന് ആറു മാസത്തിനിടെ യു.എസ് ഡോളറുമായി താഴ്ന്ന നിലയിലായിരുന്ന പശ്ചാത്തലത്തില് സഞ്ചാരികളുടെ സന്ദര്ശനം സര്ക്കാരിനും ചെറുകിട വ്യവസായികള്ക്കും പ്രചോദനമാകും.
ജൂണ് മാസം മുതല് ടൂറിന്റെ ഭാഗമായി ജപ്പാന് വിദേശസഞ്ചാരികളെ അനുവദിച്ചിരുന്നു. ജപ്പാന് ആഭ്യന്തര യാത്രയില് തീം പാര്ക്ക്, യാത്ര, കായിക പരിപാടികള്, എന്നീ ഇനങ്ങളില് ഇളവ് ഉണ്ടായിരിക്കും. കൂടാതെ ജപ്പാന് പൗരന്മാര്ക്കും നിവാസികള്ക്കും 11,000 യെന് സബ്സിഡിയും ലഭിക്കും.