ലിസിപ്രിയ കാങ്ങുജാം എന്ന പെൺകുട്ടി കഴിഞ്ഞദിവസം ഇന്ത്യൻ പാർലമെൻറിന് മുൻപിൽ നടത്തിയ ഒറ്റയാൾ സമരം ഏറെ ശ്രദ്ധിക്കപ്പെട്ടിരുന്നു. കാലാവസ്ഥാവ്യതിയാനം തടയുന്നതിന് സർക്കാർ ഉടനടി നടപടി സ്വീകരിക്കണമെന്ന് ആവശ്യപ്പെട്ടുകൊണ്ട് ആയിരുന്നു ഈ ഒമ്പത് വയസ്സുകാരി പെൺകുട്ടി ഇത്തരത്തിൽ ഒരു സമരം നടത്തിയത്.
ഒക്ടോബർ മാസം മുതൽ ഫെബ്രുവരി മാസം വരെ ഡൽഹിയിൽ കനത്ത വായുമലിനീകരണം ആയിരിക്കും. അന്യസംസ്ഥാനങ്ങളിൽ നിന്നും കാർഷിക വേസ്റ്റ് കത്തിക്കുന്ന കാരണം കൊണ്ട് ആണ് ഇത്. അതുകൊണ്ടാണ് അടിയന്തരമായി ഈ പ്രശ്നത്തിൽ സർക്കാർ ഇടപെടണമെന്ന് കൂടി ആവശ്യപ്പെട്ടുകൊണ്ട് പെൺകുട്ടി ഇത്തരത്തിലൊരു സമരം നടത്തിയത്.
എന്നാൽ വളരെ ക്രൂരമായ ഒരു നടപടിയാണ് പോലീസ് ഇവിടെ സ്വീകരിച്ചത്. പെൺകുട്ടിയെ ഉടനടി അറസ്റ്റ് ചെയ്യുകയും കാരണങ്ങളൊന്നുമില്ലാതെ കസ്റ്റഡിയിൽ വെക്കുകയും ചെയ്തു. തുടർന്ന് ഡൽഹിയിലെ ജന്തർമന്ദറിന് അടുത്ത് പെൺകുട്ടിയെ ഇറക്കിവിടുകയും ചെയ്തു.
കുറച്ചുകൂടി വ്യക്തമായി പറഞ്ഞാൽ, വായുമലിനീകരണം തടയണമെന്ന് ആവശ്യപ്പെട്ടുകൊണ്ട് ഗവൺമെൻറ്നെതിരെ സമരം ചെയ്ത കുറ്റത്തിനാണ് പെൺകുട്ടിയെ അറസ്റ്റ് ചെയ്തിരിക്കുന്നത് എന്ന് ചുരുക്കം.
“ചരിത്രം ഇത് രേഖപ്പെടുത്തും, ഒരു ഒമ്പത് വയസ്സുകാരി പെൺകുട്ടിയെ ഇന്ത്യൻ സർക്കാർ അറസ്റ്റ് ചെയ്തിരിക്കുന്നു – കാലാവസ്ഥ വ്യതിയാനത്തിനെതിരെ നടപടി സ്വീകരിക്കണമെന്ന് ആവശ്യപ്പെട്ട കുറ്റത്തിന്” – പെൺകുട്ടി തന്നെ ഇൻസ്റ്റഗ്രാമിൽ കുറിച്ചു.
നിരവധി ആളുകളാണ് വിഷയത്തിൽ പെൺകുട്ടിയെ സപ്പോർട്ട് ചെയ്തു കൊണ്ട് ഇപ്പോൾ സമൂഹമാധ്യമങ്ങളിൽ എത്തുന്നത്. വളരെ സമാധാനപരമായി മാത്രം ഒരു പ്രതിഷേധം നടത്തിയ ഒരു പെൺകുട്ടിയെ മണിക്കൂറുകളോളം പോലീസ് തടഞ്ഞുവെച്ചത് ജനാധിപത്യവിരുദ്ധവും മാനുഷികമൂല്യങ്ങൾക്ക് എതിരുമാണ് എന്നാണ് എല്ലാവരും അഭിപ്രായപ്പെടുന്നത്.
