സോഷ്യൽ മീഡിയ മുഴുവൻ ഇപ്പോൾ ബിഗ്ബോസ് വിശേഷങ്ങൾ ആണ്.ഇപ്പോൾ ഹൗസിൽ പതിനാല് പേരാണുള്ളത്.ഈ ആഴ്ച എവിക്ഷൻ ഇല്ലെങ്കിലും ജയിൽ വാസം അടക്കമുള്ളവയിൽ ബിഗ് ബോസ് മാറ്റം കൊണ്ടുവന്നിട്ടില്ല.കഴിഞ്ഞ ഒരാഴ്ചയിലെ ഹൗസിലെ പ്രകടനങ്ങൾക്ക് അനുസരിച്ചാണ് ജയിലേക്ക് പോകേണ്ടവരെ ഓരോ ആഴ്ചയും ഹൗസ്മേറ്റ്സ് തെരഞ്ഞെടുക്കുന്നത്. അത്തരത്തിൽ ഇത്തവണ ജയിലേക്കുള്ള നോമിനേഷൻ ഏറ്റവും കൂടുതൽ ലഭിച്ചത് ഗബ്രിക്കും ജാസ്മിനുമാണ്. ഇരുവരും ജയിൽ വസ്ത്രങ്ങൾ അണിഞ്ഞ് ഉത്സാഹത്തോടെയാണ് ജയിൽ വാസത്തിന് പോയത്. ഇരുവരും ജയിൽ വാസത്തിന് പോകുന്നതിന്റെ പ്രമോ ബിഗ് ബോസ് ടീം പുറത്തുവിട്ടിട്ടുണ്ട്.
ഇതുവരെ ഏറ്റവും കൂടുതൽ ചർച്ച ചെയ്യപ്പെട്ടിട്ടുള്ള കോമ്പോയാണ് ജാസ്മിൻ-ഗബ്രി കോമ്പോ. ഇവരെ ബിഗ് ബോസ് പ്രേക്ഷകരാണ് ജബ്രി എന്ന ചുരുക്കപ്പേരിൽ വിളിക്കുന്നത്.ലവ് ട്രാക്ക് കളിച്ച് വോട്ട് സമ്പാദിക്കാൻ ശ്രമിക്കുന്നത് കൊണ്ട് തന്നെ ജാസ്മിൻ-ഗബ്രി കോമ്പോയ്ക്ക് ഹേറ്റേഴ്സാണ് കൂടുതൽ. ഇരുവരുടെയും നടപ്പും ഇരിപ്പും എല്ലാം ഒരുമിച്ചാണ്. അഭിപ്രായങ്ങളും നോമിനേഷനായി തെരഞ്ഞെടുക്കുമ്പോൾ പറയുന്ന പേരുകളും ഇരുവരും ഇടപെടുന്ന വഴക്കുകളും എല്ലാം ഒന്നാണ്. പ്രമോ വൈറലായതോടെ നിരവധി രസകരമായ കമന്റുകളാണ് വരുന്നത്.
