അഞ്ചാം പാതിരാ എന്നാ സൂപ്പർ ഹിറ്റ് ത്രില്ലെർ ചിത്രം കണ്ടിറങ്ങിയ പ്രേക്ഷകരെല്ലാം അടുത്തതായി കാണാൻ ആഗ്രഹിക്കുന്ന ഒരു ചിത്രം കൂടിയാണ് ടൊവീനോ തോമസ് നായകനാകുന്ന ഫൊറന്‍സിക്. ചിത്രത്തിന്‍റെ ട്രെയിലര്‍ ഇന്നലെ റിലീസ് ചെയ്തു. സെവന്‍ത് ഡേയുടെ തിരക്കഥാകൃത്തായ അഖില്‍ പോളും അനസ് ഖാനും ചേര്‍ന്ന് തിരക്കഥയൊരുക്കിയാണ് ചിത്രം സംവിധാനം ചെയ്യുന്നത്.
ഫൊറന്‍സിക് സയന്‍സ് ലാബിലെ മെഡിക്കല്‍ നിയമ ഉപദേശകനായ സാമുവല്‍ ജോന്‍ കാട്ടുക്കാരന്‍ എന്ന കഥാപാത്രത്തെയാണ് ടൊവിനോ ചിത്രത്തില്‍ അവതരിപ്പിക്കുന്നത്. മംമ്ത മോഹന്‍ദാസ് ആണ് നായിക.സൈജു കുറുപ്പ്, അനില്‍ മുരളി, ഗിജു ജോണ്‍, ധനേഷ് ആനന്ദ്, റീബ മോണിക്ക ജോണ്‍ തുടങ്ങിയവര്‍ മറ്റു പ്രധാന കഥാപാത്രങ്ങളെ അവതരിപ്പിച്ചിരിക്കുന്നു.
ട്രെയിലറിന് മികച്ച അഭിപ്രയമാണ് ലഭിച്ചുകൊണ്ടിരിക്കുന്നത്. ട്രൈലെർ യൂട്യൂബ് ട്രെൻഡിങ്ങിൽ തന്നെ ഉണ്ട്. അഖില്‍ ജോര്‍ജ് ഛായാഗ്രാഹണം നിര്‍വ്വഹിക്കുന്ന ചിത്രത്തിന് ജേക്ക്‌സ് ബിജോയ് ആണ് സംഗീതമൊരുക്കുന്നത്. ഷമീര്‍ മുഹമ്മദ് ആണ് എഡിറ്റിങ്. ജൂവിസ് പ്രൊഡക്ഷന്‍സിന്റെ ബാനറില്‍ സിജു മാത്യൂ, നെവിസ് സേവ്യര്‍ തുടങ്ങിയവര്‍ക്കൊപ്പം രാഗം മൂവീസ് രാജു മല്ല്യത്തും ചേര്‍ന്നാണ് നിര്‍മ്മാണം.
