ബദാം, പിസ്ത, അണ്ടിപ്പരിപ്പ്, വാൾനട്ട് – ഇവയെല്ലാംതന്നെ നമുക്ക് ഏറെ പ്രിയപ്പെട്ട ഡ്രൈ ഫ്രൂട്ടുകൾ ആണ്. എന്നാൽ നമ്മൾ ഇതെല്ലാം കഴിക്കുന്നത് അങ്ങനെ തന്നെയാണ്. ചിലർ എങ്കിലും ഇത് കഴിക്കുന്നതിനുമുമ്പ് കുതിർക്കുന്നത് നമ്മൾ കാണാറുണ്ട്. അങ്ങനെ ചെയ്യുന്നത് എന്ന് കരുതിയിട്ട് ഉണ്ടോ? തിളപ്പിക്കുമ്പോൾ പെട്ടെന്ന് വെന്തു കിട്ടാൻ വേണ്ടി ചിലർ ചെയ്യാറുണ്ട്. വേറെ ചിലർ ചവയ്ക്കാൻ ഉള്ള എളുപ്പത്തിന് വേണ്ടി ഇങ്ങനെ ചെയ്യാറുണ്ട്. എന്നാൽ സംഗതി ഇത് രണ്ടുമല്ല, ഒരുപാട് ആരോഗ്യകരമായ ഒരു കാരണമാണ് ഇതിനു പുറകിൽ ഉള്ളത്.
പോഷകാഹാര വിദഗ്ധ നമാമി അഗർവാൾ അടുത്തിടെ ഇൻസ്റ്റഗ്രാമിൽ ഒരു കുറിപ്പ് പോസ്റ്റ് ചെയ്തിരുന്നു. ഡ്രൈ ഫ്രൂട്ടുകൾ കുതിർത്തു കഴിച്ചാലുള്ള പോഷക ഗുണങ്ങളെക്കുറിച്ച് ആയിരുന്നു ഇവർ കുറിപ്പിൽ പറഞ്ഞത്. പ്രോട്ടീൻ, നാരുകൾ, ധാരാളം വിറ്റാമിൻസ് എന്നിവ അടങ്ങിയതാണ് ഡ്രൈ ഫ്രൂട്ടുകൾ. ഡ്രൈ ഫ്രൂട്ടുകൾ കുതിർത്ത് കഴിക്കുന്നത് ദഹനത്തിനു സഹായിക്കും എന്നത് ഒന്നാമത്തെ സത്യം. എന്നാൽ ഇതിനു പിറകിൽ മറ്റൊരു കാരണം കൂടിയുണ്ട്. ഫാറ്റ് കുറയ്ക്കാൻ ഇത് സഹായിക്കുന്നു. അതായത് ഈ ഭക്ഷണപദാർത്ഥങ്ങളിൽ അടങ്ങിയിട്ടുള്ള ഫാറ്റ് കണ്ടൻറ് ഏറെക്കുറെ ഒഴിവാക്കാൻ ഇതു സഹായിക്കുന്നു. പ്രോട്ടീൻ മാത്രമായിരിക്കും നമ്മുടെ ശരീരത്തിലെത്തുന്നത്.
പയറു വർഗ്ഗങ്ങൾ വെള്ളത്തിൽ കുതിർത്ത് തൊലി ഒഴിവാക്കിയ ശേഷമോ, വറുത്തതിന് ശേഷമോ വേവിച്ച് കഴിക്കുന്നതാണ് കൂടുതൽ നല്ലത് എന്നും നമാമി അഗർവാൾ പറയുന്നു. കുതിർത്ത് കഴിക്കുന്നത് പോളിഫെനോളിന്റെ അളവ് കുറക്കാനും അയേൺ, സിങ്ക്, കാൽശ്യം എന്നിവയുൾപ്പെടെയുള്ള പ്രോട്ടീനുകളെ ആഗിരണം ചെയ്യാനുള്ള ബോഡിയുടെ കഴിവ് വർദ്ധിപ്പിക്കുകയും ചെയ്യുന്നുവെന്നും അവർ പറയുന്നു. നട്സുകളും പയറ് ഭക്ഷണങ്ങളും 8 മണിക്കൂർ വരെ കുതിർക്കാൻ വയ്ക്കണമെന്നും ഇവർ ഇൻസ്റ്റഗ്രാം പോസ്റ്റിൽ പറയുന്നു.
ഒരുപാട് പോഷകങ്ങൾ അടങ്ങിയതാണ് ഡ്രൈ ഫ്രൂട്ടുകൾ. എന്നാൽ അത് കഴിക്കേണ്ട വിധത്തിൽ കഴിച്ചാൽ മാത്രമേ ശരിയായ ഗുണം നമുക്ക് ലഭിക്കുകയുള്ളൂ. ഇപ്പോൾ നിങ്ങൾക്ക് മനസ്സിലായല്ലോ എങ്ങനെയാണ് ഡ്രൈ ഫ്രൂട്ടുകൾ കഴിക്കേണ്ടത് എന്ന്. അപ്പോൾ ഇനി ഈ കാര്യങ്ങൾ മറക്കേണ്ട. ഓരോതവണയും ഡ്രൈ ഫ്രൂട്ടുകൾ കഴിക്കുന്നതിനു മുൻപ് ഈ കാര്യങ്ങൾ ഓർമയിൽ വയ്ക്കുക.