മലയാളികൾക്ക് ഏറെ പ്രിയപ്പെട്ട ജോഡിയാണ് ദിലീപും കാവ്യമാധവനും. സ്ക്രീനിൽ മാത്രമല്ല ജീവിതത്തിലും ഇവർ ഏറെ പ്രിയങ്കരരാണ് മലയാളികൾക്ക്. അതുകൊണ്ടുതന്നെ ഇവരുടെ ജീവിതവുമായി ബന്ധപ്പെട്ട എല്ലാ വാർത്തകൾക്കും മികച്ച സ്വീകാര്യതയാണ് മലയാളി പ്രേക്ഷകർക്കിടയിൽ ഒന്നും ലഭിക്കാറുള്ളത്. കാവ്യ മാധവൻ ഇന്ന് പിറന്നാൾ ആഘോഷിക്കുകയാണ്. ആഘോഷങ്ങൾക്കിടയിലേ ചില ചിത്രങ്ങളാണ് ഇപ്പോൾ സമൂഹ മാധ്യമങ്ങളിൽ വൈറലായി കൊണ്ടിരിക്കുന്നത്. പുതിയ ലുക്കിലാണ് കാവ്യ മാധവൻ പ്രത്യക്ഷപ്പെടുന്നത്.
വിവാഹം കഴിയുന്നതുവരെ മലയാള സിനിമയിൽ വളരെ സജീവമായി നിന്നിരുന്ന താരമായിരുന്നു കാവ്യ മാധവൻ. എന്നാൽ പിന്നീട് വിവാഹശേഷം കുടുംബജീവിതത്തിലേക്ക് താരം ഒതുങ്ങി. ഇപ്പോൾ ഒരു കുഞ്ഞു കൂടി പിറന്നതോടെ ഒരു വീട്ടമ്മയുടെ വേഷത്തിലേക്ക് ഒതുങ്ങിയിരിക്കുകയാണ് കാവ്യ മാധവൻ. തിരിച്ചുവരണമെന്ന് ആരാധകരുടെ ഭാഗത്തു നിന്നും ശക്തമായ അഭ്യർത്ഥന ഉണ്ടെങ്കിലും അതിനെക്കുറിച്ച് ഇപ്പോൾ ചിന്തിക്കുന്നില്ല എന്നാണ് കാവ്യ മാധവൻ നൽകിയ പ്രതികരണം.
ഒരു കുടുംബമായി തന്നെ തുടരാനാണ് തനിക്ക് താല്പര്യം എന്നാണ് കാവ്യ മാധവൻ ഒരു അഭിമുഖത്തിൽ പറഞ്ഞിരിക്കുന്നത്. കാവ്യ വിവാഹമോചനം കഴിഞ്ഞു നിൽക്കുന്ന സമയത്താണ് ദിലീപ് വിവാഹാലോചനയുമായി എത്തുന്നത്. തുടക്കത്തിൽ കാവ്യയുടെ വീട്ടുകാർക്ക് ഈ ആലോചനയോട് വലിയ താത്പര്യമില്ലായിരുന്നു എന്നും കാവ്യയുടെ വീട്ടുകാർ വെളിപ്പെടുത്തുന്നു. മീനാക്ഷി ആണ് ദിലീപിനെ രണ്ടാം വിവാഹം കഴിക്കാൻ നിർബന്ധിച്ചത് എന്നും അവർ പറയുന്നു.
ഒരു അച്ഛൻറെയും മകളുടെയും ലോകത്തേക്ക് ആയിരുന്നു കാവ്യമാധവൻ കടന്നുവന്നത്. വളരെ പെട്ടെന്ന് തന്നെ അവർ ഒരു പുതിയ ലോകവും അവിടെ ആരംഭിച്ചു. പിന്നീട് ഇവരുടെ ലോകത്തിലേക്ക് ഒരു കുഞ്ഞു കൂടി കടന്നു വന്നു. ഇപ്പോൾ പിറന്നാൾദിനത്തിൽ ഇവർ നാലു പേരും ഉള്ള ചിത്രങ്ങൾ പങ്കുവെച്ചിരിക്കുകയാണ് കാവ്യ മാധവൻ. എല്ലാ ചിത്രങ്ങളും പോലെ തന്നെ, നിമിഷനേരംകൊണ്ട് ഈ ചിത്രവും സമൂഹമാധ്യമങ്ങളിൽ തരംഗമായി.
മീനാക്ഷിയും കാവ്യമാധവനും തമ്മിൽ രമ്യതയിൽ അല്ലായിരുന്നു എന്ന തരത്തിലുള്ള വാർത്തകൾ ഇടക്കാലത്ത് സമൂഹമാധ്യമങ്ങളിൽ പ്രത്യക്ഷപ്പെട്ടിരുന്നു. എന്നാൽ ഈ വിമർശനത്തിനുള്ള മറുപടി ദിലീപ് തന്നെ തന്നു, അമേരിക്കൻ ട്രിപ്പ് പോയപ്പോൾ എല്ലാവരും ചേർന്ന് എടുത്ത ഫാമിലി ഫോട്ടോ പങ്കുവെച്ച് കൊണ്ടായിരുന്നു ദിലീപ് വിമർശകരുടെ വായടപ്പിച്ചത്. ഇതിനു ശേഷമാണ് ഇവർ തമ്മിൽ പ്രശ്നങ്ങൾ ഒന്നും നിലനിൽക്കുന്നില്ല എന്ന വസ്തുത മലയാളികൾക്ക് ബോധ്യമായത്.
മഹാലക്ഷ്മി എന്നാണ് ദിലീപ് കുഞ്ഞിന് നൽകിയിരിക്കുന്ന പേര്. ദിലീപും കാവ്യമാധവനും മീനാക്ഷിയും മഹാലക്ഷ്മിയും പിന്നെ അമ്മൂമ്മയും ചേർന്ന് എടുത്ത ചിത്രമാണ് ഇപ്പോൾ പങ്കുവെച്ചിരിക്കുന്നത്. ഒരു കുടുംബത്തിലെ മൂന്ന് തലമുറയിലെയും ആളുകളെ ഒരുമിച്ചു കാണാൻ കഴിഞ്ഞതിന്റെ സന്തോഷത്തിലാണ് ദിലീപ് ആരാധകർ.
