മലയാളികൾക്ക് ഏറെ ഇഷ്ടമുള്ള നടനാണ് ധ്യാൻ ശ്രീനിവാസൻ.താരത്തിന്റെ അഭിമുഖങ്ങൾ എല്ലാം തന്നെ പെട്ടെന്ന് ശ്രദ്ധേയമാവാറുണ്ട്.മറയില്ലാതെ സംസാരിക്കുന്നതും ധ്യാനിന്റെ പ്രത്യേകതയാണ്. ഇപ്പോഴിതാ തന്റെ സഹപ്രവർത്തകയായ ഹണി റോസിനെ കുറിച്ച് ധ്യാൻ ശ്രീനിവാസൻ പറഞ്ഞ വാക്കുകൾ ശ്രദ്ധ നേടുകയാണ്. ഹണി റോസ് നല്ല സൗന്ദര്യമുള്ള നടിയാണെന്നും ടീച്ചറായിരുന്നെങ്കിൽ ഒറ്റദിവസവും കുട്ടികൾ ക്ലാസ് മിസ് ചെയ്യില്ലെന്നും ധ്യാൻ പറയുന്നു. മൈൽസ്റ്റോൺ മേക്കേഴ്‌സ് ചാനലിന് നൽകിയ അഭിമുഖത്തിൽ പറഞ്ഞ കാര്യങ്ങളാണ് വൈറലാവുന്നത്.ഹണി റോസിനെ കുറിച്ചുള്ള ചോദ്യത്തിന് അവരെ തനിക്ക് പേഴ്‌സണലി അറിയില്ലെന്നും അതുകൊണ്ട് അത്തരത്തില്‍ പറയാന്‍ കഴിയില്ലെന്നുമായിരുന്നു ധ്യാൻ മറുപടി പറയുന്നുണ്ട്.
ഹണി റോസിനെ ആരായി കാണണമെന്നാണ് കരുതുന്നത് എന്ന ചോദ്യത്തിന് അവര്‍ നല്ല സൗന്ദര്യം ഉള്ള നടിയാണെന്നും ടീച്ചറൊക്കെ ആയിരുന്നെങ്കില്‍ മലര്‍ മിസ്സിനെ പോലെ കുട്ടികള്‍ക്ക് ക്രഷ് തോന്നിയേനെ എന്നും ധ്യാൻ പറഞ്ഞു. ‘ഹണി റോസ് ടീച്ചറായിരുന്നെങ്കില്‍ ഒറ്റ ദിവസവും കുട്ടികള്‍ ക്ലാസ് മിസ് ചെയ്യില്ല. എനിക്ക് അങ്ങനെ ഒരു കാലമുണ്ടായിരുന്നു. ടീച്ചര്‍മാരായിരിക്കും നമ്മുടെ ഫസ്റ്റ് ക്രഷ്. കോളേജില്‍ പഠിക്കുമ്പോള്‍ എന്റെ ക്രഷ് ടീച്ചര്‍മാരായിരുന്നു’ ഇതാണ് താരം പറഞ്ഞത്.
മറ്റൊന്ന്,അജു വര്‍ഗീസിനെ കുറിച്ചുള്ള ചോദ്യത്തിന് അജു സിനിമയില്‍ എത്തിയില്ലായിരുന്നെങ്കില്‍ വല്ല കേസിലുംപെട്ട് ജയിലില്‍ കഴിയുന്നുണ്ടാകും എന്നായിരുന്നു ധ്യാന്‍ പറഞ്ഞത്. ‘ഒരുകാലത്ത് പുള്ളി ഒരു പബ്ലിക് ന്യൂയിസന്‍സ് ആയിരുന്നു. എന്റെ വേറൊരു വേര്‍ഷന്‍. അതുകൊണ്ട് തന്നെ പ്രത്യേകിച്ച് ജോലിയൊന്നും ഉണ്ടാവില്ല. പിന്നെ ജയിലിലാകുമ്പോള്‍ എല്ലാ ജോലിയും ചെയ്യേണ്ടി വരുമല്ലോ’, ധ്യാൻ പറഞ്ഞു. നയന്‍താര നടിയായിരുന്നില്ലെങ്കില്‍ രാഷ്ട്രീയത്തിൽ വരുമായിരുന്നുവെന്നാണ് ധ്യാൻ പറയുന്നത്. ‘വെരി ഷാര്‍പ്പ്, വെരി പ്രിസൈസ്. കൃത്യമായി കാര്യമറിയാവുന്ന, മാര്‍ക്കറ്റിങ് അറിയാവുന്ന എന്ത് സംസാരിക്കുന്നു എന്ന് കൃത്യധാരണയുള്ള ആളാണ് അവര്‍. അതുകൊണ്ട് അവര്‍ പൊളിറ്റിക്‌സില്‍ വന്നേനെ’ എന്ന് ധ്യാന്‍ അഭിമുഖത്തിൽ പറയുന്നുണ്ട്.
