ലോകത്തിലെ ഏറ്റവും വലിയ വിമാനമായ സ്ട്രാറ്റോലോഞ്ച് തന്റെ ആദ്യ പറക്കൽ വിജയകരമായി പൂർത്തിയാക്കി. ബഹിരാകാശയാത്രക്ക് വളരെ പ്രയോജനപ്രദമായ ഈ വിമാനത്തിന് മൂന്ന് റോക്കറ്റുകൾ ഒരേസമയം വഹിക്കാൻ സാധിക്കും. കാലിഫോര്‍ണിയയിലെ മോജാവേ എയര്‍ ആന്‍ഡ് സ്‌പെയ്‌സ് പോര്‍ട്ടില്‍ നിന്നും പറന്നുയർന്ന സ്ട്രാറ്റോലോഞ്ച് രണ്ടു മണിക്കൂറോളം ആകാശത്തു പറന്നു.
കൂടുതൽ പേർക്ക് യാത്ര സൗകര്യവും ഒരുക്കുക എന്ന, മൈക്രോസോഫ്ട് സഹസ്ഥാപകൻ പോൾ അലന്റെ സ്വപനമാണ് ഇതോടെ സാഷാത്കരിച്ചത്. 28 വീലുകളുള്ള ഈ വിമാനത്തിൽ 6 747 ജെറ്റ് എഞ്ചിനുകളാണ് ഉപയോഗിച്ചിരിക്കുന്നത്. ഒരു ഫുട്ബോൾ ഗൗണ്ടിന്റെ വലുപ്പത്തോളം വരും സ്ട്രാറ്റോലോഞ്ചിന്റെ ചിറകുകളുടെ ആകെ നീളം.
