ചുരുക്കം സമയം കൊണ്ടാണ് ബേസിൽ ജോസഫ് പ്രേക്ഷക പ്രീതി നേടിയത്.സോഷ്യൽ മീഡിയയിലും താരം സജീവമാണ്.ബേസിലിന്റെ ഭാര്യ എലിസബത്തും മകൾ ഹോപ്പുമെല്ലാം മലയാളികൾക്ക് പരിചിതരാണ്.ബേസിലിന്റെ തന്നെ ഭാഷയിൽ പറഞ്ഞാൽ സോഷ്യൽമീഡിയയിൽ ഏറ്റവും ഫേമസായിട്ടുള്ള വൈബ് തന്തയാണ് ബേസിൽ. അച്ഛനായിട്ടല്ല സുഹൃത്തായി നിന്നാണ് ബേസിൽ മകളെ കൊണ്ടുനടക്കുന്നത്. ഇപ്പോഴിതാ ഭാര്യ എലിസബത്തിന് തന്നെ കുറിച്ചുള്ള ചില പരാതികൾ വെളിപ്പെടുത്തിയിരിക്കുകയാണ് നടൻ. കഴിഞ്ഞ ദിവസം മാതൃഭൂമി ചാനലിന് നൽകിയ അഭിമുഖത്തിലാണ് ചില കാര്യങ്ങൾ പറയുന്നത്.
അച്ഛനായില്ലേ അതിന്റെ ഉത്തരവാദിത്വത്തോടെ ഇനിയെങ്കിലും പെരുമാറാൻ ഭാര്യ തന്നോട് ഇടയ്ക്കിടെ പറയാറുണ്ടെന്നാണ് ബേസിൽ പറയുന്നത്. ഇപ്പോഴും ഒരു അടുക്കും ചിട്ടയുമില്ല. എപ്പോഴെങ്കിലും വീട്ടിൽ കേറി വന്നാലും സാധനങ്ങൾ വാരി വലിച്ച് ഇടും. എല്ലാ ഭാര്യമാരും പറയുന്ന പ്രശ്നമാണിത്. ഒരു സ്ഥലത്ത് പോകാൻ ഇറങ്ങിയാൽ കറക്ട് സമയത്ത് ഇറങ്ങില്ല.ലാസ്റ്റ് മിനിറ്റിലാണ് ഞാൻ റെഡിയാകാറ്. അവരെല്ലം റെഡിയായി വന്നാലും ഞാൻ അവിടെ മൊബൈലും നോക്കി ഇരിക്കും അല്ലെങ്കിൽ അതും ഇതുമൊക്കെ നോക്കി വായും പൊളിച്ച് ഇരിക്കും. അവസാന നിമിഷമാണ് എല്ലാത്തിനും വേണ്ടി ഇറങ്ങി തിരിക്കുക. കുട്ടിയായി… ഒരു അച്ഛനായി അതിന്റെ ഉത്തരവാദിത്വത്തോടെ പെരുമാറടോ എന്നൊക്കെ പറയാറുണ്ട്. ഇതൊരു ടോയ് അല്ല.ഇതിനെ ഇങ്ങനെ കളിപ്പിച്ചുകൊണ്ടിരിക്കുക മാത്രമല്ല തന്റെ ജോലിയെന്നും പറയാറുണ്ട്. ഇതിനെ വളർത്തണം അതും കൂടി തന്റെ ഉത്തരവാദിത്വമാണെന്ന് ഇടയ്ക്ക് അവൾ പറയാറുണ്ട് എന്നാണ് നടൻ പറഞ്ഞത്. ഇക്കഴിഞ്ഞ ഫെബ്രുവരിയിലാണ് മകളുടെ ഒന്നാം പിറന്നാൾ ബേസിലും ഭാര്യയും ആഘോഷിച്ചത്. പ്രതീക്ഷകൾ നിറഞ്ഞ ഒരു വർഷം എന്നാണ് മകളുടെ പിറന്നാൾ ദിനത്തിൽ ബേസിൽ സോഷ്യൽമീഡിയയിൽ കുറിച്ചത്.
