കഴിഞ്ഞമാസം സമൂഹമാധ്യമങ്ങളിൽ വൈറലായ ഒരു വീഡിയോ ആയിരുന്നു ഇത്. ഡൽഹിയിൽ ഒരു ധാബ നടത്തുന്ന വൃദ്ധരായ ദമ്പതികളുടെ വീഡിയോ ആയിരുന്നു വൈറലായത്. കൊറോണ കാരണം തങ്ങളുടെ കച്ചവടം നല്ല രീതിയിൽ കുറഞ്ഞു എന്നും, ഇപ്പോൾ കൊറോണ പേടി കാരണം ആരും തങ്ങളുടെ കടയിലേക്ക് വരുന്നില്ലെന്നും ആയിരുന്നു ഇവർ വീഡിയോയിലൂടെ കരഞ്ഞു പറഞ്ഞത്. എന്നാൽ ഇവരുടെ വീഡിയോ സമൂഹമാധ്യമങ്ങളിൽ ഹിറ്റായതോടെ നിമിഷങ്ങൾക്കകം ആയിരക്കണക്കിന് ആളുകളാണ് കടയിലേക്ക് ഇരച്ചുകയറിയത്.
നിരവധി സിനിമ, ക്രിക്കറ്റ് താരങ്ങളും ഇവരുടെ വീഡിയോ ഷെയർ ചെയ്തു. ഗൗരവ് വാസൻ എന്ന പ്രശസ്ത യൂട്യൂബർ ആണ് ഇവരുടെ വീഡിയോ ആദ്യമായി പുറത്തുവിട്ടത്. ഇവർക്ക് സഹായം അഭ്യർത്ഥിച്ചുകൊണ്ട് ബാങ്ക് അക്കൗണ്ട് വിവരങ്ങളും ഇയാൾ നൽകി. എന്നാൽ ഇയാൾ നൽകിയത് സ്വന്തം ബാങ്ക് അക്കൗണ്ട് ആയിരുന്നു. അതിനുപുറമേ ഇയാളുടെ മറ്റു കുടുംബാംഗങ്ങളുടെ ബാങ്ക് വിവരങ്ങളും ഇയാൾ നൽകി എന്നാണ് ഇപ്പോൾ പറയപ്പെടുന്നത്.
ഇയാൾക്കെതിരെ ഇപ്പോൾ നിയമനടപടിക്കൊരുങ്ങുകയാണ് വൃദ്ധദമ്പതികൾ. കന്ത പ്രസാദ് എന്നാണ് ബാബയുടെ യഥാർത്ഥ പേര്. തന്റെ പേരിൽ ആളുകളെ കബളിപ്പിക്കാൻ ശ്രമിച്ചു എന്ന പേരിലാണ് യൂട്യൂബർക്ക്‌ എതിരെ ഇദ്ദേഹം നിയമനടപടിക്ക് ഒരുങ്ങുന്നത്. 20 മുതൽ 25 ലക്ഷം രൂപ വരെ അക്കൗണ്ടിലേക്ക് വന്നിട്ടുണ്ട് എന്നാണ് പരാതിയിൽ പറയുന്നത്.
എന്നാൽ വന്ന പടത്തിൽ ഒരു രൂപ യൂട്യൂബർ ഇദ്ദേഹത്തിന് കൈമാറിയിട്ടില്ല. ഇദ്ദേഹത്തിൻറെ കച്ചവടം ഇപ്പോൾ വീണ്ടും പഴയതുപോലെ ആയിരിക്കുകയാണ്. ഇപ്പോൾ വരുന്നവർ ആരും തന്നെ സാധനം വാങ്ങുവാൻ വരുന്നവരല്ല, സെൽഫി എടുക്കാൻ മാത്രം വേണ്ടിയാണ് അവർ തരുന്നത് എന്നും ഇദ്ദേഹം കൂട്ടിച്ചേർത്തു. എന്നാൽ ആരോപണങ്ങളിൽ ഒന്നും കഴമ്പില്ല എന്നാണ് യൂട്യൂബർ മാധ്യമങ്ങളോട് പ്രതികരിച്ചത്.
