നടിയായും അവതാരകയായും മിനിസ്‌ക്രീനില്‍ എത്തിയ താരമാണ് ആര്യ. താരം ബിഗ്ബോസിലൂടെയാണ് കൂടുതല്‍ ശ്രദ്ധിക്കപ്പെട്ടത്. ഷോയിലെ നടിയുടെ പ്രകടനം വളരെ രസകരമായതായിരുന്നു. ഇതില്‍ നിന്നും പുറത്ത് വന്ന താരം സോഷ്യല്‍ മീഡിയയിലും സജീവം ആവുകയായിരുന്നു. ഇപ്പോള്‍ ആര്യ സിനിമയില്‍ നായികയാവാന്‍ പോവുന്നു എന്ന വാര്‍ത്തയാണ് പുറത്ത് വന്നത്. താരം തന്നെയാണ് ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പങ്കുവെച്ച് ഈ കാര്യം അറിയിച്ചത്.
” എനിക്കുണ്ടായിരുന്ന മറ്റൊരു വലിയ ആഗ്രഹം കൂടി ഇവിടെ സത്യമാവാന്‍ പോവുന്നു. എപ്പോഴും ബിഗ് സ്‌ക്രീനില്‍ അഭിനയിക്കണമെന്നാണ് ആഗ്രഹിച്ചിരുന്നത്. ദൈവത്തിന്റെ കാരുണ്യം കൊണ്ട് അതിന് സാധിച്ചിരുന്നു. എന്നാല്‍ പ്രധാന കഥാപാത്രമായി ഇതുവരെ ചെയ്യാന്‍ പറ്റിയിരുന്നില്ല. ഒടുവില്‍ എന്റെ ആ സ്വപ്നം യഥാര്‍ഥ്യമാകുന്നത് ഞാന്‍ തന്നെ കാണാന്‍ പോവുകയാണ്.
വല്യ വല്യ വാഗ്ദാനങ്ങള്‍ ഒന്നും തരുന്നില്ല. എന്നാലും പറയട്ടെ എന്നെ പോലെ സിനിമ സ്വപ്നം കാണുന്ന ഒത്തിരി പേരുടെ കഷ്ടപ്പാടും സ്വപ്നവും ആണ് ഞങ്ങളുടെ ഈ സിനിമ. ചിയാരോ ഒരു റിയല്‍ ലൈഫ് സ്റ്റോറി ആണ്. ഈ കഥയും കഥാപാത്രവും തന്നെ ആണ് എന്നെ ഇതിലേക്ക് നയിച്ചതും. കോമേഡി കഥാപാത്രങ്ങളില്‍ ഒതുങ്ങി പോകുമോ എന്ന് പേടിച്ചു ഇരുന്ന എന്നോട് ഇത് ആര്യ തന്നെ ചെയ്താല്‍ മതി എന്ന് വാശിപിടിച്ച നിതിനും മെഹ്‌റിക്കക്കും ഒരായിരം നന്ദി… ആര്യ കുറിച്ചു.
നിങ്ങളുടെ എല്ലാവരുടെയും സ്നേഹത്തോടെയും അനുഗ്രഹത്തോടെയും ഞാന്‍ നായികയാവുന്ന ചിയ്യാരോ എന്ന ചിത്രത്തിന്റെ ഫസ്റ്റ് ലുക്ക് പങ്കുവെക്കുകയാണ്. നിങ്ങളുടെ പ്രാര്‍ഥനയില്‍ ഞങ്ങളെ ഓര്‍മ്മിക്കുകയും പിന്തുണ നല്‍കുകയും ചെയ്യണം. ഷൂട്ടിങ്ങ് വൈകാതെ ആരംഭിക്കും. എന്നുമാണ് ഫസ്റ്റ് ലുക്ക് പോസ്റ്ററിനൊപ്പം ആര്യ കുറിച്ചിരിക്കുന്നത്.
ചിയാരോ എന്ന ചിത്രത്തിലൂടെയാണ് താരം നായിക വേഷത്തില്‍ എത്തുന്നത്. പോസ്റ്റ് വൈറലായതിന് പിന്നാലെ ആശംസ അറിയിച്ച് നിരവധിപേരാണ് എത്തിയത്.
