ന്യൂ ഡൽഹി: അയോദ്യ രാമ ക്ഷേത്രം സന്ദർശിക്കാൻ ഒരുങ്ങി ഡൽഹി മുഖ്യമന്ത്രി അരവിന്ദ് കെജ്‍രിവാളും കുടുംബവും. രാമ ക്ഷേത്ര സന്ദർശനത്തിനായി അരവിന്ദ് കെജ്‍രിവാളും കുടുംബവും നാളെ അയോധ്യയിലെത്തും.
ഭാര്യക്കും മാതാപിതാക്കൾക്കുമൊപ്പമാണ് കെജ്രിവാൾ രാമക്ഷേത്രം സന്ദർശിക്കുക. ഇവർക്കൊപ്പം പഞ്ചാബ് മുഖ്യമന്ത്രി ഭഗവന്ത് മാനും ക്ഷേത്ര ദർശനത്തിനായെത്തുമെന്നാണ് വിവരം.
ഇന്ന് ഉത്തര്‍പ്രദേശ് മുഖ്യമന്ത്രിയും മന്ത്രിമാരും എംഎല്‍എമാരും അയോധ്യ ക്ഷേത്രം സന്ദര്‍ശിച്ചിരുന്നു, കോണ്‍ഗ്രസിന്റെയും ബിഎസ്പിയുടെയും ആര്‍എല്‍ഡിയുടെയും ഓരോ എംഎല്‍എമാരും സംഘത്തിനൊപ്പമുണ്ടായിരുന്നു.
ജനുവരി 22ന് ആയിരുന്നു അയോദ്ധ്യയിൽ പ്രാണപ്രതിഷ്ഠ നടന്നത്. പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ ആയിരുന്നു പ്രാണ പ്രതിഷ്ഠാ ചടങ്ങ് നടന്നത്.
