മലയാളികൾക്ക് സുപരിചിതമായ താരമാണ് ആരതി പൊടി.സോഷ്യൽ മീഡിയയിലും താരം സജീവമാണ്.റോബിന്റേയും ആരതിയുടേയും പ്രണയവും വിവാഹ നിശ്ചയവുമെല്ലാം വാര്‍ത്തകളില്‍ നിറഞ്ഞു നിന്ന വിശേഷങ്ങളാണ്. എന്നാല്‍ കഴിഞ്ഞ കുറച്ചുനാളുകളായി പുറത്ത് വരുന്ന വാര്‍ത്തകള്‍ ഇരുവരുടേയും ആരാധകരെ നിരാശപ്പെടുത്തുന്നതാണ്. ആരതിയും റോബിനും പിരിഞ്ഞുവെന്നാണ് റിപ്പോര്‍ട്ടുകള്‍ പറയുന്നത്. വിവാഹത്തില്‍ നിന്നും ആരതി പിന്മാറിയെന്നാണ് സോഷ്യല്‍ മീഡിയ പറയുന്നത്.ഇപ്പോഴിതാ ആരതി പങ്കുവച്ച കുറിപ്പ് സോഷ്യല്‍ മീഡിയയുടെ ശ്രദ്ധ നേടുകയാണ്. തന്റെ ഇന്‍സ്റ്റഗ്രാം സ്‌റ്റോറിയില്‍ ആരതി പങ്കുവച്ച വാക്കുകളാണ് ചര്‍ച്ചയാകുന്നത്. ജീവിതത്തിലെ കൊടുങ്കാറ്റുകളില്‍ നിന്നും മാറിയിരിക്കുന്നതിനെക്കുറിച്ചാണ് ആരതി പങ്കുവച്ച കുറിപ്പില്‍ പറയുന്നത്.
മഴ പെയ്യുമ്പോള്‍ പൂമ്പാറ്റ പറക്കാറില്ല. കാരണം മഴത്തുള്ളികള്‍ അതിന്റെ ചിറകുകളെ തകര്‍ക്കും. അതിനാല്‍ അവ കാത്തിരിക്കും. സ്വയം സംരക്ഷിക്കുന്നതാണ്. ജീവിതത്തിലെ കൊടുങ്കാറ്റുകളില്‍ മാറിയിരിക്കുന്നത് നല്ലതാണ്. വേണ്ടത്ര സമയമെടുക്കുക. കൊടുങ്കാറ്റ് പിന്നിട്ട ശേഷം വീണ്ടും പറക്കാം എന്ന വാക്കുകളാണ് ആരതി പങ്കുവച്ചിരിക്കുന്നത്. പിന്നാലെ ഇതും പുറത്തു വരുന്ന ബ്രേക്കപ്പ് വാര്‍ത്തകളും ചേര്‍ത്തുവെക്കാന്‍ ആരംഭിച്ചിരിക്കുകയാണ് സോഷ്ല്‍ മീഡിയ.
റോബിനുമായുള്ള വിവാഹത്തില്‍ നിന്നും ആരതി പിന്മാറിയെന്നാണ് റിപ്പോര്‍ട്ടുകള്‍ പറയുന്നത്. റോബിന് മറ്റ് പലരുമായി ബന്ധമുണ്ടായിരുന്നുവെന്നും ഇത് അറിഞ്ഞതോടെയാണ് ആരതി ബ്രേക്കപ്പ് തീരുമാനത്തിലേക്ക് എത്തിയതെന്നായിരുന്നു റിപ്പോര്‍ട്ടുകള്‍. പിന്നാലെ ആരതി റോബിനെ സോഷ്യല്‍ മീഡിയയില്‍ അണ്‍ഫോളോ ചെയ്തതും ബ്രേക്കപ്പ് വാര്‍ത്തകള്‍ക്ക് ശക്തി പകരുന്നതായിരുന്നു.
