മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് ആമി ജാക്സൺ. ശങ്കർ സംവിധാനം ചെയ്ത ഐ എന്ന ചിത്രത്തിലൂടെ ആട് താരത്തെ മലയാളികൾക്ക് കൂടുതൽ പരിചയം. ഒരു ബ്രിട്ടീഷ് താരമാണ് എങ്കിലും ഇന്ത്യൻ സിനിമകളിലൂടെ ആണ് താരം കൂടുതൽ തിളങ്ങിയത്. ബോളിവുഡ് സിനിമയിലൂടെ ആയിരുന്നു താരം അരങ്ങേറ്റം കുറിച്ചത് എങ്കിലും തമിഴ് സിനിമകളായിരുന്നു താരത്തിന് വ്യക്തമായ ഒരു ഐഡൻറിറ്റി നേടിക്കൊടുത്തത്. ഇപ്പോൾ താരം കാമുകനുമായുള്ള ബന്ധം വേർപെടുത്താൻ ഒരുങ്ങുകയാണ് എന്ന വാർത്തകളാണ് പുറത്തുവരുന്നത്.
ജോർജ് പനൈയോട്ടോ എന്നായിരുന്നു ആമിയുടെ കാമുകൻ്റെ പേര്. വർഷങ്ങളായി ഇവർ ഒരുമിച്ചാണ് താമസം. ഇവർക്ക് ഒരു മകൻ കൂടിയുണ്ട്. ആൻഡ്രിയാസ് എന്നാണവരുടെ പേര്. 2019 വർഷത്തിലായിരുന്നു മകൻ ജനിച്ചത്. ഇരുവരും ഔദ്യോഗികമായി വിവാഹം കഴിച്ചിട്ടില്ല. ലിവ് ഇൻ റിലേഷൻഷിപ്പിലാണ് ഇരുവരും.
2020 വർഷത്തിൽ ഇരുവരും ഔദ്യോഗികമായി വിവാഹം കഴിക്കാൻ ഒരുങ്ങിയത് ആയിരുന്നു. ഗ്രീസിൽ വച്ചായിരുന്നു ബ്രഹ്മാണ്ഡ വിവാഹം പ്ലാൻ ചെയ്തത്. എന്നാൽ പല കാരണങ്ങൾ കൊണ്ട് അത് നീണ്ടു പോവുകയായിരന്നു. എന്നാൽ ഇപ്പോൾ വിവാഹം ഇനി ഒരിക്കലും നടക്കാൻ സാധ്യതയില്ല എന്ന റിപ്പോർട്ടുകൾ ആണ് പുറത്തു വരുന്നത്. ബന്ധം വേർപെടുത്താൻ പോവുകയാണ് എന്ന ഔദ്യോഗിക വാർത്തകൾ പുറത്തുവന്നിട്ടില്ല എങ്കിലും ആമി ജാക്സൺ കൃത്യമായ സൂചനകൾ നൽകിയിട്ടുണ്ട്. കാമുകൻറെ ചിത്രങ്ങൾ എല്ലാം തന്നെ ഇൻസ്റ്റഗ്രാമിൽ നിന്നും നീക്കം ചെയ്തിരിക്കുകയാണ് താരമിപ്പോൾ. ഇപ്പോൾ താരത്തിൻ്റെയും മകൻ ആൻഡ്രിയസിൻ്റെയും ചിത്രങ്ങൾ മാത്രമാണ് ഇവരുടെ ഇൻസ്റ്റഗ്രാം പേജിൽ ഉള്ളത്.
ലണ്ടനിലെ ഏറ്റവും വലിയ കോടീശ്വരന്മാരിൽ ഒരാളാണ് ജോർജ്. റിയൽ എസ്റ്റേറ്റ് ബിസിനസ് ആണ് ഇദ്ദേഹത്തിന്. ധാരാളം ഹോട്ടലുകൾ റിസോർട്ടുകൾ ഇദ്ദേഹത്തിൻറെ പേരിലുണ്ട്. കഴിഞ്ഞ കുറേ വർഷങ്ങളായി ഇരുവരും തമ്മിൽ പ്രണയത്തിലായിരുന്നു. അതിനിടയിലായിരുന്നു ആമി ജാക്സൺ ഗർഭിണിയാവുന്നത്. ഗർഭിണിയായിരിക്കെ ആമി ജാക്സൺ ചിത്രങ്ങൾ എല്ലാം തന്നെ ആരാധകരുമായി പങ്കുവെച്ചിരുന്നു. ധാരാളം ആളുകളാണ് താരത്തിന് തെന്നിന്ത്യയിൽ ഉള്ളത്. ഒരു കോടിക്കടുത്ത് ഫോളോവേഴ്സ് ആണ് താരത്തിന് ഇൻസ്റ്റഗ്രാമിൽ ഉള്ളത്. കാമുകനുമായി നിൽക്കുന്ന ചിത്രങ്ങളെല്ലാം തന്നെ ഇൻസ്റ്റഗ്രാമിൽ നിന്നും നീക്കം ചെയ്തു എങ്കിലും ഒരു ചിത്രം മാത്രം ഇപ്പോഴും അവിടെ ഉണ്ട്. ബാഫ്‌ത അവാർഡിനു വേണ്ടി ആമി ജാക്സൺ പങ്കെടുക്കുന്ന ചിത്രങ്ങളാണ് നീക്കം ചെയ്യാത്തത്. ഈ ചിത്രത്തിൽ ഇപ്പോഴും ജോർജിനെ കാണാവുന്നതാണ്.
