കോട്ടയം:ലോക്സഭ തെരഞ്ഞെടുപ്പിൽ പത്തനംതിട്ടയിൽ ബിജെപി സ്ഥാനാർഥിയായി അനിൽ ആന്റണിയെ പ്രഖ്യാപിച്ചത്തിന് പിന്നാലെ തന്റെ ജയം ഉറപ്പിച്ച് അനിൽ ആന്റണി.
കേരളത്തിൽ ബിജെപി ചരിത്രമുണ്ടാക്കാൻ പോവുകയാണ്, നിരവധി സീറ്റുകൾ ലഭിക്കും, ഞാനും ജയിക്കും എന്ന് അനിൽ ആന്റണി മാധ്യമങ്ങളോട് പ്രതികരിച്ചു.
അതേസമയം ലോക്സഭ തെരഞ്ഞെടുപ്പിൽ ബിജെപിയുടെ ആദ്യഘട്ട പട്ടിക പുറത്ത് വന്നതിന് പിന്നാലെ നീരസം പ്രകടിപ്പിച്ച് ബിജെപി നേതാവ് പിസി ജോർജ് രംഗത്ത് എത്തി.
താൻ മത്സരിക്കണമെന്ന് പത്തനംതിട്ടയിലെ ജനങ്ങൾ ആഗ്രഹിച്ചിരുന്നുവെന്ന് പിസി ജോർജ് പ്രതികരിച്ചു. പത്തനംതിട്ടയിൽ അനിൽ ആന്റണി പരിചിതനല്ലെന്നും അനിലിനെ പരിചയപ്പെടുത്തിയെടുക്കണമെന്നും പിസി പറഞ്ഞു.
അതേ സമയം താൻ സ്ഥാനാർത്ഥിയാകുന്നതിനെ വെള്ളാപ്പള്ളിയും മകനും എതിർത്തു എന്നും പിസി ആരോപിച്ചു.
അതേസമയം പിസിയുടെ നീരസത്തിനോട് പ്രതികരിച്ചു ബിജെപി സംസ്ഥാന പ്രസിഡണ്ട് കെ സുരേന്ദ്രൻ രംഗത്ത് എത്തി. പിസി ജോർജിന് അർഹമായ പരിഗണന നൽകുമെന്നായിരുന്നു ബിജെപി സംസ്ഥാന അധ്യക്ഷൻ കെ സുരേന്ദ്രന്റെ പ്രതികരണം.
അതേസമയം പിസി ജോർജിന്റെ പ്രസ്താവനയോട് കടുത്ത അതൃപ്തി രേഖപ്പെടുത്തി ബിഡിജെഎസ് രംഗത്ത് വന്നിട്ടുണ്ട്. തുഷാർ ജെപി നദ്ദയോട് നേരിട്ട് പരാതി അറിയിക്കുമെന്ന് ബിഡിജെഎസ് അറിയിച്ചു.
