മലയാളികൾക്ക് ഏറെ പ്രിയപ്പെട്ട പരമ്പരകളിൽ ഒന്നായിരുന്നു കാര്യംനിസാരം. ഒരു ഹാസ്യ പരമ്പര ആയിരുന്നു ഇത്. കൈരളി ടിവി ആയിരുന്നു ഈ പരമ്പര സംപ്രേഷണം ചെയ്തിരുന്നത്. മോഹനകൃഷ്ണൻ, സത്യഭാമ എന്നിങ്ങനെ ആയിരുന്നു ഇതിലെ കേന്ദ്ര കഥാപാത്രങ്ങളുടെ പേരുകൾ. അനീഷ് എന്ന നടനാണ് മോഹനകൃഷ്ണൻ എന്ന കഥാപാത്രത്തെ അവതരിപ്പിച്ചത്. അനു ജോസഫ് എന്ന നടിയാണ് സത്യഭാമ എന്ന കഥാപാത്രത്തെ അവതരിപ്പിച്ചത്.
വളരെ റിയലിസ്റ്റിക് ആയിട്ടുള്ള പരമ്പര ആയിരുന്നു ഇത്. അതുകൊണ്ടുതന്നെ ഇതിൽ നടക്കുന്ന പല കാര്യങ്ങളും യഥാർത്ഥത്തിൽ നടക്കുന്ന സംഭവങ്ങൾ ആയിട്ടാണ് മലയാളികൾക്ക് അനുഭവപ്പെട്ടത്. 1200ഓളം എപ്പിസോഡുകൾ ഈ പരമ്പര പൂർത്തിയാക്കിയിട്ടുണ്ട്. ഇപ്പോൾ ഈ പരമ്പര കാരണം ജീവിതത്തിൽ നേരിട്ട കഷ്ടപ്പാടുകൾ വിവരിക്കുകയാണ് മോഹനകൃഷ്ണൻ. ഒരുപാട് ആളുകൾ തങ്ങളെ തെറ്റിദ്ധരിച്ചിട്ടുണ്ട് പ്രേക്ഷകരുടെ സ്വന്തം അനീഷ് പറയുന്നത്.
പല ആളുകളുടെയും വിചാരം സീരിയലിൽ ഭാര്യ കഥാപാത്രത്തെ അവതരിപ്പിക്കുന്ന അനു ജോസഫ് തന്നെയാണ് അനീഷിനെ യഥാർത്ഥ ഭാര്യ എന്നാണ്. പലരും ഇങ്ങനെ നേരിട്ട് ചോദിച്ചിട്ടും ഉണ്ട് എന്നും അനീഷ് പറയുന്നു. എന്നാൽ അതൊന്നും കാര്യമാക്കിയില്ല എന്നും ആ സ്പിരിറ്റിൽ മാത്രമേ എടുത്തിട്ടുള്ളൂ എന്നും അദ്ദേഹം കൂട്ടിച്ചേർക്കുന്നു. എന്നാൽ ചില ആളുകൾ ഭാര്യയോട് ഇത്തരത്തിലുള്ള ചോദ്യങ്ങൾ ചോദിക്കുമ്പോൾ സങ്കടം വരാറുണ്ട് എന്നും താരം പറയുന്നു.
ഒരാൾ ഭാര്യയോട് ചോദിച്ച ചോദ്യം ഇങ്ങനെയായിരുന്നു – “അപ്പോൾ നിങ്ങൾ ആണല്ലേ അദ്ദേഹത്തിൻറെ യഥാർത്ഥ ഭാര്യ”. ഇതു കേട്ടപ്പോൾ ഏറെ അസ്വസ്ഥത തോന്നിയിട്ടുണ്ട് എന്നും താരം പറയുന്നു. ജീവിതത്തിൽ ഒരുപാട് പ്രതിസന്ധികൾ തരണം ചെയ്തു കൊണ്ട് വിജയിച്ചു വന്ന നടനാണ് അനീഷ്. ഒരിക്കൽ ദേഹത്ത് തീപ്പൊള്ളലേറ്റ് 28 ദിവസം വരെ ആശുപത്രിയിൽ കിടന്നിട്ടുണ്ട് താരം. അതിനിടയിൽ ട്യൂബർകുലോമ എന്ന അസുഖം വരുകയും അത് ഗുരുതരമായി ബാധിക്കുകയും ചെയ്തിരുന്നു. എന്നാൽ ഇതിനെ എല്ലാം തരണം ചെയ്തു കൊണ്ടായിരുന്നു താരം ഇവിടെ വരെ എത്തിയത്.
