എലീന പടിക്കല്‍ എന്ന താരത്തെ പ്രത്യേകം പരിചയപ്പെടുത്തേണ്ട ആവശ്യമില്ലല്ലോ. അവതാരക അഭിനേത്രി എന്നിങ്ങനെ ഒന്നിലധികം മേഖലകളില്‍ കഴിവ് തെളിയിച്ച താരമാണ് എലീന. ഇതിനിടെ ബിഗ്ബോസിലും എലീന എത്തിയിരുന്നു. ഷോയില്‍ എത്തിയ ശേഷമാണ് ഈ താരത്തെ പ്രേക്ഷകര്‍ അടുത്തറിഞ്ഞത്. ബിഗ് ബോസിന്റെ അവസാനഘട്ടം വരെ ഷോയില്‍ നില്‍ക്കാന്‍ എലീനയ്ക്ക് സാധിച്ചു. ഇപ്പോള്‍ തന്റെ ജീവിതത്തിലെ ഏറ്റവും സന്തോഷകരമായ ഒരു ഘട്ടത്തിലേക്ക് കടക്കാന്‍ പോവുകയാണ് താരം. ബിഗ് ബോസില്‍ വെച്ചാണ് ആദ്യമായി തന്റെ പ്രണയം പുറത്ത് പറഞ്ഞത് , പിന്നാലെ ഈ ബന്ധത്തില്‍ വീട്ടുകാര്‍ക്ക് താല്‍പര്യമില്ലെന്നും എന്നാല്‍ അവരുടെ സമ്മതമില്ലാതെ വിവാഹം കഴിക്കില്ല എന്നും എലീന അറിയിച്ചിരുന്നു.
ഷോയില്‍ നിന്ന് പുറത്തുവന്ന് കുറച്ചുനാള്‍ കഴിഞ്ഞപ്പോഴാണ് ആ സന്തോഷവാര്‍ത്ത താരം പങ്കുവെച്ചത്. രണ്ടുകൂട്ടരുടെയും വീട്ടുകാരില്‍ നിന്ന് സമ്മതം കിട്ടിയെന്നും വൈകാതെ തന്നെ വിവാഹം ഉണ്ടാകുമെന്നും നടി അറിയിക്കുകയായിരുന്നു. ശേഷം തിരുവനന്തപുരത്ത് വച്ച് ഇവരുടെ വിവാഹ നിശ്ചയം കഴിഞ്ഞു. ഇനി അടുത്ത ഇവരുടെ വിവാഹം ആണ് . ഓഗസ്റ്റ് 30 ന് കോഴിക്കോട് വച്ചാണ് വിവാഹം നടക്കുന്നത്. കൊവിഡ് കാലമായതിനാല്‍ കൊവിഡ് മാനദണ്ഡങ്ങള്‍ പാലിച്ചാണ് വിവാഹം നടത്തുക. തനിക്ക് എല്ലാവരെയും വിളിച്ച് വളരെ ആഘോഷത്തോടെ നടത്താനായിരുന്നു ആഗ്രഹം എന്നാല്‍ ഇപ്പോള്‍ അതിന് സാധിക്കില്ലെന്നും താരം പറഞ്ഞിരുന്നു.
ഇപ്പോള്‍ വിവാഹത്തിനു ശേഷമുള്ള ഭാവി പരിപാടികളെക്കുറിച്ച് ആണ് എലീന പറയുന്നത്. പ്രണയ വിവാഹമായിരുന്നെങ്കിലും സാധാരണ കമിതാക്കളെ പോലെ സഞ്ചരിക്കാന്‍ കഴിഞ്ഞിട്ടില്ല, അത്തരത്തിലുള്ള ആഗ്രഹങ്ങളെല്ലാം സഫലമാക്കാന്‍ വേണ്ടി കാത്തിരിക്കുകയാണ് എന്ന് താരം പറഞ്ഞു. , രണ്ട് പേരും യാത്രകളെ ഒരു പോലെ ഇഷ്ടപ്പെടുന്നവരാണ്. അതിനാല്‍ തന്നെ ആദ്യത്തെ പ്ലാന്‍ യാത്ര പോവുക എന്നത് തന്നെയാണെന്നും താരം പറയുന്നു. അതേസമയം വിവാഹത്തിന് സിമ്പിളായിട്ടുള്ള സാരിയാണ് ധരിക്കുന്നതെന്നും നടി പറഞ്ഞു. ഇത് ഡിസൈന്‍ ചെയ്യുന്നത് തന്റെ അടുത്ത സുഹൃത്ത് തന്നെയായ ആര്യ നയരാണ്. സാരിയില്‍ തന്റെയും രോഹിത്തിന്റെ പേരിന്റെ ആദ്യത്തെ അക്ഷരം ഉണ്ടാവും, പിന്നെ അച്ഛന്റേയും അമ്മയുടേയും ഒരു സന്ദേശവും ഉണ്ടാവും. അത് എന്താണെന്ന് സാരി കിട്ടുമ്പോഴേ അറിയാന്‍ കഴിയുള്ളുവെന്നും താരം പറഞ്ഞു.
