പ്രണവ് മോഹൻലാലിനെ നായകനാക്കി വിനീത് ശ്രീനിവാസൻ സംവിധാനം ചെയ്യുന്ന ഏറ്റവും പുതിയ ചിത്രമാണ് ഹൃദയം. ദർശന രാജേന്ദ്രൻ, കല്യാണി പ്രിയദർശൻ എന്നിവരാണ് ചിത്രത്തിൽ നായികമാർ.ഇവരെ കൂടാതെ വലിയൊരു താരനിരതന്നെ ചിത്രത്തിലുണ്ട്. അജു വർഗീസും ചിത്രത്തിൽ ഒരു ശ്രദ്ധേയ വേഷം ചെയ്യുന്നുണ്ട്. മലർവാടി ആർട്സ് ക്ലബ് എന്ന ചിത്രത്തിലൂടെയാണ് അജു വർഗീസ് സിനിമയിൽ അരങ്ങേറുന്നത്.
2010 ലാണ് ഈ ചിത്രം പ്രദർശനത്തിനെത്തുന്നത്. പിന്നീട് വിനയൻ സംവിധാനം ചെയ്ത സൂപ്പർ ഹിറ്റ് ചിത്രമായ തട്ടത്തിൻ മറയത്തിലും അജു വർഗീസ് ശ്രദ്ധേയമായ വേഷം അവതരിപ്പിച്ചു. അതിനുശേഷമാണ് താരമിപ്പോൾ വിനീത് സംവിധാനം ചെയ്യുന്ന ഹൃദയത്തിൽ അഭിനയിക്കുന്നത്. ഇപ്പോഴിതാ ചിത്രത്തെക്കുറിച്ച് വിനീത് ശ്രീനിവാസനെ കുറിച്ച് തുറന്ന് സംസാരിക്കുകയാണ് അജു വർഗീസ്.
ഇവൻ ഇതുവരെ നന്നായില്ലേ എന്ന് വിനീത് വിചാരിക്കുമോ എന്ന ഭയത്തോടെയാണ് ചിത്രത്തിൽ താൻ അഭിനയിച്ച എന്ന് അജു പറയുന്നു. വർഷം മൊത്തം 12 കഴിഞ്ഞെങ്കിലും ഇവൻ അഭിനയത്തിൽ ഇതുവരെ നന്നായില്ലേ എന്ന് വിനീത് ചിന്തിക്കുമോ എന്ന ഭയം ഉണ്ടായിരുന്നു. ആ ഒരു ഭയത്തോടെയാണ് താൻ ഹൃദയത്തിൻറെ സെറ്റിലെത്തിയത്. ഓരോ ഷോട്ട് കഴിയുമ്പോഴും എല്ലാവരും മോണിറ്ററിൽ നോക്കും. താൻ വിനീതിൻ്റെ മുഖത്തു നോക്കും.
സെറ്റിൽ താൻ അങ്ങനെ നോക്കുന്ന ഫോട്ടോയും ആരോ എടുത്തിട്ടുണ്ട്. ജോലി എടുക്കുകയാണ് എന്ന് തോന്നിപ്പിക്കാത്ത വിധത്തിൽ സിനിമ ഷൂട്ട് ചെയ്യുന്നതിൽ അസാമാന്യമായ മികവ് വിനീതിന് ഉണ്ട്. ഹൃദയം അതിൻറെ വലിയ ഉദാഹരണമാണ്. അത്ര വലുതല്ലെങ്കിലും ശ്രദ്ധേയമായ വേഷം ചെയ്യാൻ കഴിഞ്ഞതിൽ ഏറെ സന്തോഷമുണ്ട് ഈ ചിത്രത്തിൽ. ജനുവരി 21നാണ് ചിത്രം റിലീസ് ചെയ്യുന്നത്.
