ഒരു കാലത്ത് തെന്നിന്ത്യന്‍ നായിക വേഷങ്ങള്‍ കൈയ്യടക്കിയ നടിയാണ് സിത്താര. തന്റെ അഭിനയമികവ് കൊണ്ട് ധാരാളം സിനിമകളില്‍ നല്ല വേഷങ്ങള്‍ ചെയ്യാനും നടിക്ക് കഴിഞ്ഞിട്ടുണ്ട്. മഴവില്‍ക്കാവടി, വചനം, ജാതകം പോലുളള സിനിമകളിലൂടെയാണ് സിത്താര ശ്രദ്ധിക്കപ്പെട്ടത്. പിന്നീട് മറ്റു ഭാഷകളിലും നടി അഭിനയിക്കുകയുണ്ടായി. മലയാളത്തിലെ പോലെ തെലുങ്ക്, കന്നഡ തമിഴ് ചിത്രങ്ങളിലും നല്ല വേഷങ്ങള്‍ നടിയെ തേടിയെത്തുകയായിരുന്നു.
പിന്നീട് സിനിമ ഉപേക്ഷിച്ച നടി ചിത്രങ്ങളിലേക്ക് തിരിച്ച് വന്നത് ആരാധകരെയും സന്തോഷത്തിലാക്കി. ഇപ്പോള്‍ തന്റെ സിനിമകളെക്കുറിച്ചും രണ്ടാ ചിത്രം ചെയ്യാനുണ്ടായ കാരണവും തുറന്ന് പറഞ്ഞിരിക്കുകയാണ് സിത്താര.
കാവേരി എന്ന ചിത്രത്തില്‍ അഭിനയിച്ച് കഴിഞ്ഞതിന് പിന്നാലെ വന്ന ഓഫര്‍ എന്നത് ജി അരവിന്ദന്‍ സാറിന്റെ സിനിമയായിരുന്നു. ഒരിടത്ത് എന്ന ചിത്രമായിരുന്നു അത്. എന്നാല്‍ ആ സമയത്ത് പത്താം ക്ലാസ്സില്‍ ആയതിനാല്‍ സിനിമകളില്‍ നിന്നെല്ലാം മാക്സിമം ഒഴിഞ്ഞ് നില്‍ക്കുകയായിരുന്നു. എന്നാല്‍ ഇതില്‍ നിന്നും മാറാന്‍ കഴിഞ്ഞില്ല, കാരണം..
അരവിന്ദന്‍ സാറിന്റെ ചിദംബരം എന്ന സിനിമ ഞാന്‍ കണ്ടിരുന്നു. ഇതില്‍ അഭിനയിച്ച സ്മിത പാട്ടീല്‍ അന്നത്തെ എന്റെ പ്രിയപ്പെട്ട ഇഷ്ടനായികയാണ്. അതിനാല്‍ തന്നെ ഞാന്‍ ആ ഫിലിം കണ്ടിരുന്നു. അത് എനിക്ക് നല്ല പോലെ ഇഷ്ടമാകുകയും ചെയ്തു. മാത്രമല്ല അരവിന്ദന്‍ സാറിന്റെ സിനിമയിലേക്കുളള വിളി നഷ്ടപ്പെടുത്തരുത് എന്ന് അന്ന് അച്ഛനും പറഞ്ഞിരുന്നു. അപ്പോള്‍ വന്ന സിനിമാ ഓഫര്‍ തളളികളയണ്ടെന്നും തോന്നി. അങ്ങനെയാണ് രണ്ടാം സിനിമ അത് ചെയ്തത് നടി പറയുന്നു.
ഒട്ടുമിക്ക മുന്‍നിര നായകന്‍ന്മാരെ കൂടയെല്ലാം സിത്താര അഭിനയിച്ചിട്ടുണ്ട്. തമിഴില്‍ രജനീകാന്തിന്റെ പടയപ്പയിലെ റോള്‍ ഏറെ ശ്രദ്ധിക്കപ്പെട്ടിരുന്നു. താരത്തിന്റെ കുടുംബവും സിനിമാ ജീവിതത്തിന് നല്ല സപ്പോര്‍ട്ടാണ്.
