മലയാള സിനിമയുടെ താര രാജാവാണ് മോഹന്‍ലാല്‍. എണ്ണിയാല്‍ തീരാത്ത അത്ര നല്ല കഥാപാത്രങ്ങളാണ് താരം പ്രേക്ഷകര്‍ക്ക് സമ്മാനിച്ചത്. തനിക്ക് ഏത് വേഷവും ഇണങ്ങുമെന്നും മോഹന്‍ലാല്‍ തെളിയിച്ചിട്ടുണ്ട്. കിട്ടുന്ന വേഷങ്ങള്‍ ഭംഗിയായി ചെയ്താണ് നടന്‍ സിനിമാ മേഘലയില്‍ ചുവടുറപ്പിച്ചത്.
താരത്തെ പോലെ നടന്റെ ഭാര്യ സുചിത്രക്കും ആരാധകര്‍ ഏറെയാണ്. ഈ അടുത്തായി സോഷ്യല്‍ മീഡിയയില്‍ ശ്രദ്ധിക്കപ്പെട്ട മുഖമായിരുന്നു സുചിത്രയുടെത്.
വീട്ടുക്കാര്‍ ഉറപ്പിച്ച വിവാഹം ആയിരുന്നു ഇവരുടേത്.
ഇപ്പോള്‍ മോഹന്‍ലാല്‍ സുചിത്ര വിവാഹത്തെ കുറിച്ച് പറയുകയാണ് നിര്‍മ്മാതാവ് പിവി ഗംഗാധരന്‍. മോഹന്‍ലാലും സുചിത്രയും ഒന്നിക്കാന്‍ കാരണം താനാണെന്ന് പറയുകയാണ് നിര്‍മ്മാതാവ് . ആദ്യമായി അവര്‍ കണ്ടതും പരിചയപ്പെട്ടതും എന്റെ റൂമില്‍ വെച്ചാണെന്നും അദ്ദേഹം പറയുന്നു.
ഇവര്‍ തമ്മില്‍ കാണാന്‍ ഇടയാക്കിയ കാരണത്തെ കുറിച്ചും അദ്ദേഹം പറയുന്നു.
”എന്താണെന്ന് വെച്ചാല്‍ ബാലാജി സാറും ഭാര്യയും സിസ്റ്റേഴ്സുമൊക്കെ നിര്‍ബന്ധമായിട്ട് എന്നോട് പറഞ്ഞു. നമുക്ക് മോഹന്‍ലാലിനെ സുചിത്രയെകൊണ്ട് കല്യാണം കഴിപ്പിക്കണം. ഞാനായിരുന്നു അതിന്റെ മീഡിയേറ്റര്‍. സുചിത്രയെ മോഹന്‍ലാലിന് മുന്‍പ് അറിയില്ല. പക്ഷേ ബാലാജിയെ ഒകെ മോഹന്‍ലാലിന് അറിയാം. കാരണം അവരൊക്കെ വലിയ കൂട്ടരല്ലേ. അതിന്റെ മീഡിയേറ്ററ് ഞാനായിരുന്നു. കംപ്ലീറ്റ് അതിന്റെ കാര്യങ്ങളെല്ലാം ചെയ്തുകൊടുത്തത് ഞാനായിരുന്നു.” പിവി ഗംഗാധരന്‍ പറഞ്ഞു.
അതേസമയം അഭിനയത്തില്‍ നിന്നും മാറി സംവിധാന രംഗത്തും ചുവടുവെക്കുകയാണ് മോഹന്‍ലാല്‍. ബറോസ് എന്ന ചിത്രത്തിലൂടെയാണ് ലാല്‍ ഇനി പ്രേക്ഷകരിലേക്ക് എത്തുന്നത്. സിനിമയുടെ ചിത്രീകരണം പുരോഗമിക്കുന്നു.
